معلومات القصيدة
- القصيدة: صحت هايولدي ـ صحت هايولدي
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
صحت هايولدي ـ صحت هايولدي
صحت هايولدي ياعلي ورجواي
علي ضاكت الوسعة شلون بالماي
ضامي أدريك ياعيوني ـــ ومن شوفتك حرموني
صحت هايولدي ـ صحت هايولدي ـــ صحت هايوليدي ياعلي ورجواي
شلون عنًي إتغيـــب يبني وأنت نور من الزجيه
وإنـــت مــــــن ياسين آيه والأمامــــه الحيدريــــه
وإنت للأســـلام شمعه تضـــوي لدروب الـــبريه
تنوّر سمانه رايتك ـــ مرفوعه للحك هامتك
ثوب الشهاده لامتك ـــ هلله هلله بهالوصيه
يبني إعالشهاده إبشرف ربيتك ـــ ولطف كربله يوليدي خليتك
بيك أتباه يعيوني ـــ من شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
ودعت روحي يـبويه من مشيت إعالمنيه
وفيت للهادي إبعهودك والبتول الفاطمــــــيه
نذرت بسم الله عمـرك والرساله الهاشميــــه
ليله إبدمعها ودعتك ـــ طلبت من الله برجعتك
سالم تعود الخيمتك ـــ تصيح عمّه شهالرزيه
ابرباي أرد أنشدك والوفه الدينك ـــ تجود إبمهجتك يولدي وسنينك
إنت النظر لعيوني ـــ من شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
شلون حال الحره يبنـــــي وحالة أمك هالمسيه
من صحـت إدركني يابه ضـــــاكت الوسـعه عليه
ليله مشـــــدوه وتدور ويـــن الأكــــبر ها يــخَيــه
عمه إبدليلي حسرتــــك ـــ لاماي أطفي جمرتــك
هزت السبعه مصيبتك ـــ إبكربله حلت رزيه
شليّ بها العمر يوليدي من دونك ـــ جنت أذكر الهادي من ينادونك
دليلي ومنه أيسوني ـــ من شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
تدري من ناديت بويــه صوبت كلب العقيله
بالخيم صــارت مناحه سكنه تصــرخ وين ليله
اليوم صابوا هام جدي وبضعه الــهادي ومثيــله
نادت بخويه إبخوتك ـــ رد ليه أمسح دمعـتك
مصيبه الأكبر فجعتك ـــ صابوا كليبه العليله
دليلك وي دليلي أنصاب ياخويه ـــ من صابوا الزهره وجدي يابويه
خويه العده ظلموني ـــ من شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
ها يشمعة ضوه عيوني ها يحافظ للوصيه
ها يجامع سر (محمد)ص والشــهامه الفاطميه
إكصد الجدك وأخبره عالجره علــــيك وعليه
ياجدي ثكل مصيبتك ـــ زود المها البضعتك
ونة الشيعه الونتك ـــ ضامي رويني ميّه
ولوُني أرجاس أمُيّه وهشمّوا راسي ـــ أجلاف السقيفه كطعُوا أنفاسي
يبويه إبحقد وذروني ـــ من شوفتك حرمُوني
صحت هايولدي ـ صحت هايولدي ـــ صحت هايولدي ياعلي ورجواي
تدري حنيت الوداعـك من لفيت الغاضريه
ولاشفت والــــــد اليمـه حايره وعينــــه ربيّه
إعالشريعه مره ينظـــر وعلـى عياله بلارويه
ياخويه حانت ساعتك ـــ صعبت على حالتك
إوحيد وتودع خلتك ـــ والحرم عكبك سبيه
عكبك يالعميد إبغرب ظلينه ـــ وين اللي يردَنه للوطن وينه
أبد ما تغمض عيوني ـــ من شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
روح يبني وداعه الله إشكي أمرك للزجيه
وعن أسر عمتك وسكــــنه والعيــال بهالمسيه
وعن عليل إحسين ضامي مجتف أبكيد ال ميه
يوليدي وانه إعالاثر ـــ ودمعي يهل إعالكمر
والحره صوبها القدر ـــ وعترة الهادي سويه
وليدي بهل الشهاده وسمت دنيك ـــ فديت ابمهجتك لجله ونظر عينك
يبويه خابت ضنوني ـــ ومن شوفتك حرموني
صحت هايولدي ـ صحت هايولدي ـــ صحت هايولدي ياعلي ورجواي
