معلومات القصيدة
- القصيدة: سيده الكون
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
سيدّة الكون
إبكل شده تندب ياعلي بعيوني دمعات تغلي
هد حيلي ضلعج فاطمه جبريل كــبّر بالسمه
بعيوني دمعــات تغـــلي
بياحال زينب من لفت وشافت أمها زود المها
بمـــصاب جدها تلوعت وجر المها زود المها
نادت يبـــــويه أتيتـــمت وأنشل حلمها زود المها
بفراكج انه اتمحنت غيرج ييمّه منهولي بعيوني دمعات تغلي
حلت مصيبة فاطمـــه وازّلـــزل الكون إتفكر شلون
جـــبد الحسن جسه الألم وبحسينه أشلون إتفكر شلون
شاع الخبر وسط العرش كلهم يعزون إتفكر شلون
شّيصبر حسين وحسن كلي شجاوب سائلي بعيوني دمعات تغلي
صد الصميدة البضعته ودمعته بعينه كثّر ونينه
لن حســـــن يَم أمه يوّن وحسين وينه كثّر ونينه
لنّه يصـــب إبـــــدمعته ويظهر حنينه كثّر ونينه
صّبر عيالك ياعلي وبهــمتك عاود الي بعيوني دمعات تغلي
نفذّ وصــــية فاطـــمه وحـــــــــققّ حلمها ظل باقي يمها
لنّه بجـــــــوار المصطفى يشـــــــكي المها ظل باقي يمها
صــحّاه صـــــوت الطاهره عالحـــره همها ظل باقي يمها
عالحسن وعضيده توّن هم الصفولي من هلي بعيوني دمعات تغلي
علَيــه المصايب جلجلن وغدر الــليالي هذا الجرالي
ما شفت راحه إمن الزغر لاصــفه بالي هذا الجرالي
صورتكم إبلب الكـــــلب دوم بخـــــيالي هذا الجرالي
ناديني باسمي ياعلي تدريني غيرك ما ألي بعيوني دمعات تغلي
إبحسره جرّد صارمــه ويطالب الثار من جور الأشرار
لولا أمرها الفاطـــمه وحكمـت الجبار من جور الأشرار
ظل حامي دينـــك ياعلي وناغيها للدار من جور الأشرار
للأمّه جاهد ياعلي والشيعتك إنت الولي بعيوني دمعات تغلي
للهادي والزهره صفت شمس وكمرها آيه ونشرها
إعله صراطه والكوثر زهت صك بأمرها آيه ونشرها
محصّنه شيعة حيدره من الباري سرها آيه ونشرها
نياله اليوالي هالأمر مضمون من حيدرعلي بعيوني دمعات تغلي
كلمن سعه بهذا الدرب حصل مناله ريت بمثاله
جالعابس بنفسه فده لحســــين حـاله ريت بمثاله
بالدنيه فاز واخــــره ريــت بـــدلالي ريت بمثالي
هيِم بولاية فاطمه وأذكر أبوها وصلّي بعيوني دمعات تغلي
