معلومات القصيدة
- القصيدة: رايه محمد ـ بيها إنتوحد ـ وسيف الوصي الكرار
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
رايه محمد ـ بيها إنتوحد ـ وسيف الوصي الكرار
ثورة خديجه ـ الدينه تشيده ـ وتناصر المختار
رايه محمد ـ بيها إنتوحد ـ وسيف الوصي الكرار
فدائي وجنّد اولاده لجل الحك فدائيه
أبو طالب عزم أمــره عليـــها بالولائيه
نـذر عمره جهر سره لدين الله قضـــائيه
يحامي الدين الأسلام ـ هدم أوكار الأصنام
ولت سود الأيام ـ فكرتنه رضائيه
تزهي إبفكرنه ـ بلسم عمرنه ـ وتنور الأبصار
بيها أهتدينه ـ الأمره وفينه ـ تخاوينه جالأنصار
علي أول فتى آمن لدين المصطفه أحمـــد
علي ترجم كتـــاب الله وأول من الـــه وحـــد
علي نال الخلافه إبحك الأصوله والفرع جسد
علي للكعبه عنوان ـ علي زلزل الميدان
علي بالشده برهان ـ علي جاليث لو شد
ميسر أمرنه ـ إبساعه عسرنه ـ ومروع الأشرار
واللي يهابه ـ يآمن عقابه ـ يرتوي من الأنهار
من خادم علي هالــــكُول إصغي للفكر نور
من مثلهِ حظهَ إبحـسنين وأبـــو فاضل اله بشر
إبيمين العرش هالنورين فاطم و الوصي يزهر
لجله بحارنه تجري ـ باسمه أفلاكنه تسري
إبحبهُم وسّمت صدري ـ عهد من صّور وقدّر
آلطه وزيره ـ بأمره يشيره ـ ولقبه حامي الجار
سلّمه الرايه ـ من البدايه ـ وبيـــــمنته الفقار
فده إجفوفه لجل دينه جعفـر حامه لأسواره
عقيل وطـــــالب مناوب كـــــل منهم اله شاره
والحمزه يصــول إبزود شّحده اليوصل الداره
بيهم شاع الأعلام ـ بآسمهم كتبت أقلام
جسّد معنه الأحكام ـ تشع هاله أنواره
حقق أملنه ـ وحدّ شّملنه ـ سّر طه والأبرار
بالحك وعدنه ـ جدد عهدنه ـ للحجه والاطهار
إلك ياما نواضرنه ترابـــــــيلك
ومحاجرنه إبحزن دمعات تهديلـك
وكل طفله وطفل مفجوع يشجيلـك
همومه وحركت آلامه ـ ضيعُوا منّه أحلامه
عدمُوا حتى إسلامه ـ إبدمعاته يواسيلك
ينزف جرحنه ـ عاليودنه ـ وينادي وين الثأر
وينك يناصر ـ ريت أنت حاضر ـ إبوجودك تطفى النار
وسيف الوصي الكرار
رايه محمد ـ بيها إنتوحد ـ وسيف الوصي الكرار
