معلومات القصيدة
- القصيدة: الامام موسى ابن جعفر
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
الامام موسى إبن جعفر(عليه السلام)
كضه عمره ابسجن اظلم ـ يويلي فجع شيعة علي مصابه ـ يويلي
حنتلك سود الاعلام حزنلك دين الاسلام
كضه عمره ابسجن اظلم ـ يويلي
نهجة من ثورة مـحمد وفكرة الدين السديده
جسّــــــد إيمــــانه إبـجهاده بالشهــــاده والعقيده
وضّح أفكار الــــــــولايه وجوهر آياته المــــجيده
رسم نهجه الطريق الحق ولايه
تمسّك بالوصي حيدر ولايـــــه
نهل من بلسم افكاره ولايــــــه
نشرها ورفرفت راية عمــيده
وطنه إنصاب بفراكه ـ يويلي عليك إيهل دمع عينه ـ يويلي
صبرنه و الصبر هام حزنلك دين الاسلام
كضه عمره إبسجن أظلم ـ يويلي
من حثالة آل اُميّه إمتدت إجفوف الخيـــــــانه
طالت إبخسّه إبن جعفر جي علوم أهـــــله هدانه
كيّدت بالغدر جفه و كشــــفت لأجله سمـــــانـــــه
أنشدج عن نعـش موسى يـداري
وحش دم و دمع يجري يــــداري
إبهمومي المن بعد أكصد يداري
أذا فوك الجسر نعــــشه امانــــه
لفت شيعته عالموعد ـ يوليلي تنشد وين واليها ـ يويلي
لوانـــــــه غدر الايام حزنلك دين الاسلام
كضه عمره إبسجن أظلم ـ يويلي
غاية الاشرار تفصـــح عن اُصول الخيبريه
طالبت ثارات مرحب هل الحثاله الخارجـــــيه
تعله رايات الهدايـــه شامـــــخه فوك الثريـــــه
رغم كل ناصبي أصله ودينه
نودّ المرتضــى ونوفي ودينه
نصافح جف أبو صالح ودَينه
جنود أويــاه لأرض الكاظميه
إعتنت زوار للكاظم ـ يويلــي تواسي و الدمع يجري ـ يويلي
جُوت هالامّه ظلام حزنلك دين الاسلام
كضه عمره إبسجن أظلم ـ يويلي
الحزن عم ابوطنّه وصيحت التكبير علَت
ناده جبرائيل جنده ولِنــــــــــداه افواج لـــبّت
وبربوع الطف تناخت للنعـــش جفين هلّــت
مصابك صوب الزهره والاملاك
حزنت كربله الحزنـــك والاملاك
جدك جم جرح صابــه والاملاك
توضت بالدمع املاك صلت
سرايا املاك إجت تسعه ـ يويلي تصلّي وتسجب العبره ـ يويلي
تنوح إعليك الايـــــتام حزنلك دين الاسلام
كضه عمره إبسجن أظلم ـ يويلي
هل الحثالات النواصب نقضوا عهود الوصيه
إمن السقــيفه إبجور إجونه الكربله والكاظمــــــيه
ذبح وسجون وتآمر والمشـــــــــــانق عالـهويــــه
إجينه الحـضرتك نسعه وفضلك
نخبرك عـالجره إعلينه وفضلك
شــــــعبنه جم الم صابه وفضلك
تفــــل إهمومـــه وتحمي البرية
إبدليلي ناركم تسعر ـ يويلــــي جرحكم هدمه الحيلي ـ يويلي
جارت بينه الاحكام حزنلك دين الاسلام
كضه عمره إبسجن أظلم يويلي
ها يــــــلوعات النوايب صوبت سيد البريه
نقضت إعهود الامامه وهشمت صدر الزجيه
جمرة الكــــــرار تسعر آه ياكيد الـــــــوصيه
جمــر يسعــر ابـدلالـي وليلاك
على المسموم أهل دمعي وليلاك
يبـــو اليمه ثكل حزنــــي وليلاك
أظلـــــم من أفــــل بدر التــــقيه
عليكم ما يجف دمعي ـ يويلي ونيني ما بعد يبطل ـ يويلي
يمته أتعود الاحــــلام حزنلك دين الاسلام
كضه عمره إبسجن أظلم يويلي
