يُمّه الماي مَهْرَى

شلون الشَربْ ماي إبرشفته إتهَنه  - وجَبد احَسين ضــٰـامي مــٰـا ارتَوه مَنّه

هُوَدج النُور إنفجَع لمصَابَه  -  واسَه بت حيدر إبيَوم غيابَه

ناح الرَوح لجَله لمأتَمه إتَعنَه

١-وسَفه الماي يَجري من عُكَب عيناك

عسَاه إنَكَلب نار وتحَرك العادات

عساه إبلا جُرف يتلاطم إبمَسراك

ريَت الصـــٰـاب جبَدك مــٰـا تذَكره شفاك

يُمّه الماي مَهرى ومَنّه حَرمُوني  -  اراذل آل أميّه بيه ذبَحوني

حِزنَت آيات الذْكر وكتابه  -  واسَه بَتْ حيدر إبيوم غيابه

ناح الرُوح لجَله لمأتَمه إتْعنَه

٢- يَجــٰـاريَ أرد أسئلك شنَهُو ذنب إحسَين

وشنُو ذنب الرضَيع إعليك يرَبي العَين

ما حَن منبعَك يخفيها للجَرَفين

ليس إحرمَته منَك ظَل ينوح الدِّين

لجَلهم إنتَ تجري حتى تَروُيهم  -  ليش إنَكرت ودهم يالتنَاديَهم

شَنْ سبب هذا الجَفه وأسَبابه  - واسَه بَتْ حيدر إبيوم غَيابَه

ناح الرُوح لجله لمأتَمه إتعْنَه

٣- لو حـــٰـان الحسَـــٰــاب شَتنطي مِن جواب

شنهُو العُذر ُكَلي والدِمَه ينسَاب

أذكرك بالرضَيع ونحَره مِن إنصـــٰـاب

وشَهكَه والدَه مِن فارُكوهـــٰـا أحبَاب

أذكرك كربَله واللّي جره بَيهـــٰـا  -  ومَصاب العقيله إبفكد واليهـــٰـا

شاركت سهم العذر إبصَوابه  -  واسه بت حيدر إبيوم غيابه

ناح الروُح لجَله لمأتَمه إتْعَنه

٤-  يشلاّل أرد أنشدك والجروح هَواي

هَلبَت أُو جرَن بَيك وغَيوُم إشتاي

ما حَنت مِزنِ تنزل تَرّوي شفاي

مــٰـا جسَّك الَم مِن صـــٰـاح أريدَن ماي

شحال البُكَه ضامي إتوسّد الوّفه  -  وعَضيده فاض جُودَه مــٰـا شرَب منّه

شحال حامي إوصيَته ومَصابَه  -  واسَه بت حيدر إبيَوم غيابَه

ناح الرُوح لجَله  لمأتَمه إتعَنّه

٥-  مُو كَصَده الفرات اليَرتَوي مَنّه

ولا كثرة إجيَوش إبغيرته إتعنه

كَصده إحسَين ضامي الشوفته  إتمنَه

يُوفي البَت علي إبعَهُوده كل ضَنّه

إحتـــٰـار إبغربَته ويا هُو البُكَه يَمه  - بَس ضَنوه علي وعَياله مَلتمَه

ناح روح الله إبفكَد أحبابَه  -  واسَه بت حيدر إبيوم غَيـــٰـابَه

ناح الروح لجَله لمأتَمه إتعْنَه

٦- ُكَرب يُومَك وجَرفك نُفر خَنيابك

لاح العدل سَيفه قرر إحسَابك

يوم الطف تجّله وحَضر كَصـٰــابَك

إشجنيت إبكربَله وشفَعلك أسنابك

لفـــٰـاك الطالب الثارات وعَلوُمه  -  علن حُكمه عليك إبصَدق مفَهومُه

قبّل إجفوف الـُكَمر وأعتابه  -  واسَه بت حيدر إبيوم غيابَه

ناح الروح لجَله لمأتَمه إتْعَنه