يبني الأكبر يضَي عَين الزجيّه  -  يا شَبيه النبي وُغرة وصَيّه

إوفَيت الك عَمري يغالي  -  لجَلك إسَهرت الليالي

يبنَى الأكبر يضَي عين الزجَيه

١- يُمّه مِن شعّت نجَمتك نوّرت عيني الضْوَيه

بَيها شع نور الأمامه والاصاله الطالبيه

وهَج مِن روح النبوّه والمراضَع فاطميه

إبعـــٰـاشر الاحزان رَدتك تُوفي لحسَين وأخيّه

برَباك وفي إوصيتي  -  يا نور عيني وهيبتي  -  خذ روحي ضُمها ودَمعتي

مِن تْصَل للغاضرَيه

حامي للدِّين يَبدو الهاشمية  -  وفيٌ لربــــٰـاك لأبن سَيد البرَيه

هـــٰـا شمعتنه  التلالي  -  لجَلك إسَهرت الليالي

يبني الأكبر يَضي عين الزجيّه

٢- أدرَي بَيك إتصَون عهَدك يبني يا ثمرة فؤادي

جَنِت أعدْ سَنين عُمرك ساعه ساعه يا ودادي

تجوّه للشدات ردتك ولكُبر سِنّي عمادي

ما درَيت إتغيَب عنّي يا نَهج سِرّ اعتقادي

يا امل عزي ودلالي  -  صوُرتك تزهي إبخيالي  -  لو غبت ما يصَفه بالي

ها ييّمه من تنادي

ودَعتني ورَحت والنار بيّه  -  صُفت دار الوحي وحشه وخليه

انزف الدمَعه إبوصَالي  -  لجلك إسَهرت الليالي

يبني الأكبر يَضي عَين الزجّيه

٣- جسَدت معَنه الولايه إبسرّ وجُودك بالتجّيه

عبدَت درب الشهاده بالعقيده الحيَدريه

كربله مَوضع جَهادك ضد جيوش الناصبيه

فجّرت بُركان مجَدك والمآثر فاضليه

جنّه الصُميده ابهيَبته  -  من ُكَمر هاشم غيرته  -  والهادي توّج عصَمته

والأصاله اليعْرُبيه

وُفه وطيَب وشجاعه زينبيه  -  من خصَاله لمع نور الثريّه

والرسول الله إمتثَالي  -  لجلك إسهَرت الليالي

يبني الأكبر يضيَ عين الزجيّه

٤- ليَله بالدمعه تباري هالة الروح وقبسَهـــٰـا

جَنه فلقة   ُكَمر ساطع لو بعَد يبكن نفسهَـــٰـا

روح أبو اليمّه تتبعه وروح ليله الضمه جَسهَـــــٰـا

ضامي ودمَوعه جوتني تلهب إبروحي أحسَهــــٰـا

إرحَمْ ييمّه الحالتي  -  لا والي يحرَس غربتي  -  وحسَين صوب مُهجتي

جان الجروَحي حرسَهـــٰـا

قسَم إبربـــٰـاك ييمّه وسهر ليلي  -  روحي ردهَا أضمَنهـــٰـا إبدليلي

عُكَب عينك إشبكَالي  -  لجلك إسَهرت الليالي

يبني الاكبر يضَي عين الزجيَه

٥- عِلن صُوت الحكَ أملنه صِدّر بأسمك جَهـــٰـاده

عادت إبشَرها السقيفه وحفنه مِن أهل السياده

إتحَالفواويّ النواصَب علنوا إبدمَنه القياده

فجرّوا أقدس مراقد والدِمه سال إبمَهاده

ويَنك يا أبن عقد الوله  -  العذر صَوّب كربَله  -  نترجّه نظر وآصَله

والجفن حدر الوسَاده

يالمواسي الحرّه والدمَعة رُقيه  -  يَمته يوم الثار يا حامي الوصيّه

عمّه بس يوُمك صفالي  -  لجلك إسهرت الليالي

يبني الأكبر يضي عين الزجيَه

٦- شَلوُن أنسَه إجروح كلبج وأنسَه يوم الغاضرَيه

شلون أنسَه إمصــٰـاب الأكبر وشهكَه سِكينه ورقيه

شلون ينشف دمع عيني عمّه مِن رحتي سِبيّه

ضاكَت الوسَعه عليّه وإندبَت رب البريّه

هِمت للثار إبنِدائي  -  والنصَر يزهَي إبلوائي  - الكربَله أرخص دمائي

ومُهجتي للزينبيَه

عمّه تدرّين مُصــٰـابج هدم حيلي  -  غربتج والأسر نار إبدليلي

نهضتك للحكَ منالي  -  لجَلك إسَهرت الليالي

يبني الأكبر يضي عين الزجيَه