يالكفيله  -  يالكفيله  -  شلون من ودَعتي روُحج يالعَقيله

شلون حال إحَسين مِن فارك خليله  -  يالكفيله - يالكفيله

١- عِفه كليبج مِن مشيتي إبلاي روح إتودّعَينه

كليبج إتوسّد النحّره قبّله وهام بأنينَه

عالرمح شابحه إعُيونه الضنوّة الزهره ومُعَينه

خويَه بالخوّه أرد أنشدج باري ضَعني لو مشيَينه

إبعَيوني أباري عِيلتِك  -  إبكَليبي أحامي اوصَيتك  - هَدّت الكون إمصَيبتك

بس حرم خوُيه صَفينَه

إعليك يا روَح النبي دَمعي أهَيله  -  يا دليل المرتضَى وحــٰـامي دخيله

يالكفيله  - يالكفيله

٢- عن بدور الطف أناشد وعن سليل الطالبيه

وعن لواء الكُمر أنشَد وجُوده حَين السال مَّيه

ضامي والحَسره إبدليله ينظر إبدمَعه لأخيّه

لا نظر لا جَف بُكَاله يحمَي ركَب الهـاشَميه

يا خُويه إدرك خوّتك  -  ثكَلت يخويه إمَصيبتك  -  راح اليباري غربتك

ناحَت الحرّه بأسَيّه

أفدي روحي ومُهجتي ودمي إبسَبيله – ولجل دِّينك أفدي جفين الفضيله

يالكفيله  -  يالكفيله

٣- عن الأكبر خبريني عمّه وبيا حال ليَله

مِن دِنه الروح الزجيّه وبوصاله إنهدم حِيله

ضمّه لكَليبه ويشَمه والألم صوّب دليلَه

يبني روح وداعة الله يا حلم ليل القبَيله

صــٰـال ويباري الهيبَته  - جنَه الصمَيده إبصُولته  - ليله إبدمعهـــٰـا واسته

الكون ما يحوي مثيله

جنت يبني الوالدك ضِله وضليله  -  وشمعة الديوان تضوي وسط ليله

يالكفيله  -  يالكفيله

٤- وبعَد أريَد أسئل يَعمّه عن شبل حامي الوصّيه

مِن تعنّه لبو اليمّه إمقّلد إبلامة أبيَّه

ينظر إبعَين الأبوّه والفضائل حَسّينيه

عمّي يوم العرس خلّه زفني لأرض الغاضريه

أمه إبدمعَها زفتَه  -  إبشبل الزجَيه وصَته  - من فيض هامه حنتَه

محَله عرسك هالمسيه

طيب إمن الحَسن وَيفوح هِيْله  -  وكربلاء إرتَوت حَين الفاض سِيْله

يالكفيله  - يالكفيله

٥- عن رضيع إحسَين أنشدج خبريني يالتجَيّه

شلون من صابه المثلث ضم جناحه الجيد أبيّه

شحال رَمله من لفاها وحالة سِكينه ورقيه

ضجّت الأملاك لجَله وناحت الثكَل الرزيه

رَمله إبمصَابه اتحيَرت  - ونجوم لجَله إتكورت  -  وأملاك عَرشه كبرّتِ

والوحَي ناح بأسَيّه

ضامي جبده إنفطر يندب مُعيله  -  صابَه سَهم الغَدر زود عوَيله

يالكفيله  -  يالكفيله

٦- عَمّه ريَت إجروح كَليبح إبكلبي يا هالة نبيَّه

ولا أشوفج بين أراذل يالأمينَه أعالوصَيّه

شلون غيرة علي ترضه بضعَته تمشي سبيّه

ريت راعي الوفه حاضر جا كلبها للثَنيَّه

غيرتَه وتاج الهامته  -  من نور إمّها غذتَه  -  من أسد غالب شيمتَه

حقق إبدمَه  وصيتَه

عمّه دمع العَين ما يبَطل مسَيله  -  ولمصــٰـابَج أوَن والوَنّه ثجَيله

يالكفيله  -  يالكفيله

٧-ثار بُرَكان الشهاده إبمجلس الطاغي تفجّر

وهج من نهج البلاغة جَعْجَع البــٰـاغي وتحّير

ذلّت أرجاس آل أميّه جنَها سيف الله تصَدّر

إبفضَل يَعسُوب الديَانَه شاع دين الله وتفاخَر

زلزَلَت صَرح الأكابر  -  كبرّت عالي المنابر  - وأرتقت أهل المخابر

والنصر لاح وتنوّر

هاي الأنصــٰـار لفت للحك أصيَله – تنادي للثار لبو اليمّه وفصيَله

يالكفيله  -  يالكفيله