يالَكَضيت سنين عُمرك بالسجون  -  إعليك ينَزف بالدِمَه بَحر العَيون

لَيلك إيســـٰــامر جرَوح أحزا نه  -  يَرتل آيات الصَبر بأشجانه

إعلَيك ينزف بالدِمه بحر العيون

١- يَهل الليل دمعَه إيشارك أحزانك

لحَظه ما غُفه لن بيه عنوانك

يعَد ساعاته بالهَم يوّن  ديوانك

كل كَصده ومرامه يصَحه سجانك

غايته إيباريك ويَحل السكون  -  ونبع دمع العَين يَهده والجفون

إعليك ينزف بالدِمه بحر العيون

٢- إيصَـــٰابر شَيعته بالصَبر وآياته

بَيهُم يشع دِينه وترف راياته

يلهج بأهل بيته ويَهل دمعاته

عليهم ضاك صدره ويوّن حسَراته

وين أسد غالب يَطفّي جمرته  -  ويَحضر إبساعة الشده الحيرته

يَكشف أكروَبه ويذل عدوانه  -  يرتل آيات الصَبر بأشجانه

إعَليك ينزف بالدِمَه بحر العيون

٣- جــٰوانه الدَهر بَيك وغدَر أرجـٰاسَه

يتيم الدِّين أمسَه وضاكَت إنفاسَه

إشِحال السكن طوس وحال إحساسه

مِن شاع الخبَر ما بين قدّاسَه

هَلّت إدموع الحِزن أنصـٰارك  -  موجرّه بالكلب تسعر نارك

خالي محرابه ويوّن قرآنه  -  يَرتل آيات الصبر بأشجانه

إعليك ينزف الدِمَه بَحر العَيون

٤- غدَر يوم السَقيفه شاعت أخبـٰاره

بدَه إبكسر الضلع والطبره وانواره

إمَصابك يا ابن جَعفر بالكلب ناره

شحال الأمة عَكَبه ونهج أفكاره

قارع أرجاس الظلاله إبفْكَرته  -  جسَد إبنهج الأمامه نهضته

النهج جَده واصَله بأيمانه  -  يَرتل أيات الصبر بأشجانه

إعليك ينزف الدِمه بحر العيون

٥- عِلن غدره الرشيد إبهَرج مفهُومه

جار إعالولاٰيه إبخَطط مشئومَه

مِن يوم السقيفه الفكره مرسومه

نشَب نار الخيانه إبْجَرعه مسَموُعه

غايته يَطفي شموع الجعفَرية  -  ويآخذ إبثار الحَثاله الخيبريَه

ما دَروُا بالعرش حل برهانه  -  يرتل آيات الصَبر بأشجانه

إعليك ينزف بالدِمه بحر العيون

٦- يوم إحسَين عاد وشاع ميلاده

مِن صابوا الكاظم حزنوا أجداده

لن هوُدج هبط وَيعزّي أحفاده

تتناخه إبعزمهَـــا تعيد امجاده

يَبو صالح هالأمانه إبعصَمتك  -  تزحف إتريد الشهاده شَيعتك

الدِّين قدّم للعرش قربانه  -  يرتل آيات الصَبر بأشجانه

إعليك ينزف بالدِمَه بحر العيون