المنَ أباري إمن إخَوتي  - ويــٰـا هو الأشل إجْرَوُحه

١- فَيضْ النحَر سَــٰـال إبجَمْر طَف كربَله روّاها

وسهـٰـام صَلّن بالصَدر لأنصــٰـالها أدْمــٰـاهـٰـا

والجَمَر يَسعر بالكلب  إبْدمَوُع  عَينه أطفاها

حَرك الخيم سَبّي الحرم والغُرب هَم أضناها

بُركــٰـان ثــٰـار إبَكربَله  - جاريّه أدمَه سِفَوحَه

٢- يـٰـا دَهر طعناتك مُضَن إبحَشــٰـاي صَابَن جبدي

لاوني لوُعات الوَكت دنياي صـٰـارت ضِدّي

إلمنَ أهيم إبشكوتي بَسْ الله يَعلم كصَدي

وسِمــٰـاي وشحَة الحزن للحَين جَرحَي يدّي

يـٰـا خُويَه صَعَبه حالتي  -  جبريل حَنْ ولوُحَه

٣- كلمَن حضَر طف كربَله ونَــٰـاصَر إبحَك الأطهار

نال الولايه إبغَيرتَه يَروَيه جف الكرار

واتحَصّن إبروُح الوُفه والعُمر ذلّه بأصَرار

لولاك يا والد على لا دِّين شع واقمَــٰـار

أنتم وسَيله الحاجتي  -  والذِكر ناح النوحـَه

٤- إتعَنّه الأكَبر والدَه وعَنّه يزَيل الحسَرات

شَمّر ابَجّنين الرَبه يَطفي لهَيب الجمرات

صـال إبشجاعة  حَيدره ذلّ القدر بالغارات

ضامَي رجَعَله إبْحسَرته يترَجّه منّه الرشفات

أفديك بُويه إبمهجتي  - والدِّينَه ضحّه إبرَوُحه

٥- شَبل الحَسن سَلْ صـٰـارمَه وتَقلّد إبرُوح الوُفه

عالمحَنه كابر بالعزَم إبفكَره الوصَيّه وارفه

وإترجّه مِنْ عَمّه الأمر هــٰـاي إمُيّ بيكم واصفه

للأكبر أرد أوفي الوعَد وبثاري أطفي العاصَفه

سجَيل ارمي إبَصولتي   -  وغَايــٰـات لي مشَروُحَه

٦- مِن شهَد عَمّه صُولَته بُركــٰـان صَبره إتفَجّر

صَد لَبُو اليَّمه إبَدْمعَته سَلم ويَمّه إتباصَر

يا خوُيه تعَلم غايتي إرخَصني للحك أثار

إكصد إبنفسَي إبخوتك لأمر الصَبر وتصّبر

هذا انَه حــٰـافظ خُوتي  - وعَيوني الـَـه مشَبُوحَه

٧- إتعناها والمدَمْع يَهل يا ام الحزن كلبي إحتار

انتِ الكَفيله بالحَرم والشور مِنْ حامي الجار

إكصد إبرَوُحي المشرعَه لعضِيدك إطفيها النار

ضامي إوحيدر إبكربَله يندَب الجدّه المختار

لحَسين تُفرض طاعتي  -  وأسَبْابهــٰـا موَضَوُحه

المنَ أباري إمْن إخوتي  -  وياهَو الأشل جَروُحه