مِنْ المهَدْ مَنذُورين

الشَوفتك تربَه العين – عالوعد منتظرين

جنود إحنه ونسَير وُيـــاك  - يثار الله الوطن إبحماك

باسمك انادي سنين  -  عالوعد منتظرين

١- يَبو صالح يَحــٰـامى الدِّين  -  يـــٰـا سرّ الوصَي ورَجواه

مشتاكَه النواظر ليك  -  وآيات الذكر تهواه

يالعــٰـالم إبمحنتنَه  -  إبعزمك ترد لهفتنه

يوُمك هو صرختنه  -   تعله ابفخر رايتنه

لاخر نفس نترجاك ـــ  مــٰـا يسَوه العمر لولاك

صرخاتك ها يحسين  -  عالوعد منتظرين

٢- دنيانَه صُفت غابه  -  بيها ذياب مسعورين

كل منهم يريد الثار   -  رعاع وحفنه مسَحورين

نلتمسك يراعي الثار – تحمي شيعة الكرار

من ضنوة علي رجواك  -  إبعَدلك تسحك الاسرار

ثوّار ويَلمنه الواك  -  طول العمر مـــٰـا ننَســٰـاك

وبدَينك منتصرين  -  عالوعد منتظرين

٣- إنشر راية العباس  -  وصُول إبغيرتَه وعزمَه

جنّك بالطفوف إتصًول  -  بوفاءه وشيمته وحلمه

لفت صفّين الك انصار  -  ابعقيده وشرف تطفي النار

حلت كربَله الأملاك – تسعالك تلبّي الثار

تجري الطلعتك أنهـــٰـار  -  ومحَصّن إبحـــٰـامي الجار

إسمك وَسم الدفتين  -  عالوعد منتظرين

٤- نهل إدموع عالطبَره  - وغُربه زينب الحرّه

هاي أنصارك إبحَسره  - تريد الثار للزهره

كل منهم تحّدّه الموت  -  هام إبغيرة إيمَانه

مُرنه إنزلزل الحومات  -  نار وغضب تلكَانَه

نعّبد بالدمَه مَسراك  -  نقسم بالعرش نهَواك

مِن المهد منذورين  -  عالوعد منتظرين

٥- إبَدلَيك شهكَة الزهره – ونار الضلع متَوجره

طاح المحسن وسره  -  ظلت حَـــٰـايَره بأمَره

تلكَه النبّي مرسَاله  - دمعَه إعليه هماله

ندبَ رب العرَش بالحال  -  يشكي إعالجَره حاله

أملاكه تَهلْ دَمعات  -  المصَابَه رَتلتْ آيات

بالجنات مصَطفين  - عالوعد منتظرين

٦- نقسم بالنُور ويـــٰـاسَينه  -  لعبَد الله نثأر وسَنينه

والجفين وحَز المنحَر  -   والدَمعه سِكنه تناخينه

وترَد لهفة كل مَهمُوم   -  واليومك شاهد معلوم

للموت انادي يالمهدي  ــ   بين إيدَيك نهَوه المحتوم

إبخَضـــٰـاب الطف نتلكاك  -  ورايات النصَر إبيمنـــٰـاك

تَعمَر أرَكـــٰـان الدِّين  -  عالوَعد منتظرين