الكربله يبني دخرتك

يالرويت الواك دم اجفوفك     روي جبد إحسين من ضي شوفك

الكربله يبني دخرتك     وفي لجل الدين همتك

يالرويت الواك دم إجوفك

١ـ أخو زينب والنعم من وصفه

جبل شامخ ما تهزه العاصفه

قبل إجفوفه الصميده وكفله

بالعقيله وسر وصيته عرفه

زلزل الحومه إبعصمتك  ـ   وفي لجل الدين همتك

يالرويت  الواك دم إجفوفك

٢ـ يبني معنه اولاك شيمه ومقدره

بسمله بنا فتحنا ناضره

طهر طاهر من امومه طاهره

نادته الحره يسبع الكنطره

معانكه روحي إبنخوتك   ــ    وفي لجل الدين همتك

يالرويت الواك دم إجفوفك

٣ـ محكم التنزيل عهدك وثقه

جف أمير النحل بالحك صدفه

يوم ميلادك أبعاشر أشرقه

بالشهاده لازمه وما فارقه

يبني للباري وهبتك   ـ   وفي لجل الدين همتك

يالرويت الواك دم إجفوفك

٤ـ  ما انه عد عينك يروح المصطفه

بيكم إتباهل وللحك عرفه

هبط جبريل بأسمكم لاطفه

نشر ملاكه وتحرم بالوفه

للشدايد يبني رتك   ـ  وفي لجل الدرين همتك

يالرويت الواك دم إجفوفك

٥ـ من بحر جودك رويت الغيرتي

ومن عزم حيدر تسامت شيمتي

أمتي غذتني الولايه وعصمتني

والمليك إبفخر علع هامتي

واضحه بالذكر نيتك  ـ  وفي لجلج الدرين همتك

يالرويت اواك دم إجفوفك

٦ـ  بيك وصاني الصميده ابكربله

روحي وي روحك تريد مواصله

انت ركن الدين والحج والصله

ثورتك بالحره أمست كامله

إبن أبويه انه عرفتك   ـ  وفي لجل الدين همتك

يالرويت الواك دم إجفوفك

٧ـ  الك روحي والجفوف أفديها

ونار جبدك بالدمع أطفيها

خويه ارضيني الحرم أرويها

أبنفسك أثار للعده أفنيها

خويه بالخوه نشدتك  ـ  وفي لجل الدين همتك

بالرويت الواك دم إجفوفك

٨ـ  خويه شنهي الروح الك منذوره

صورتك بين العرش منشوره

إبين طياف الذكر وسطوره

نور من ياسين شع أبنوره

ليث بالحومه وصفتك  ـ  وفي لجل الدين همتك

يالرويت الواك دم إجفوفك