طالبَي وشَيمة عَقيل وُزوده  -  مِنْ عَلي نال الشَجــٰـاعه وجُوده

مسْلَح إبروح الوصَيّه  -  والمراضع فاطمَيه

مِن علي نال الشجاعه وجُوده

١- جَف أبَو طالب رَواه إعَلومُه

صَدّق إبوحَي النبي ومفهَومُه

آمن إبَحك وأنكتب مَرسومه

وثقَه إبنُور ودَهر ونَجُومَه

إتحَصّن وثار إبنهج أجداده  -  علن للحك ثورته وأمجــٰـاده

بالرساله الهاشمية  -  والمراضع فاطميه

مِن عَلي نال الشجاعه وجوُده

٢- نوّره الأسلام إبحَروف الوُفه

بالولايه وسَرّ فكرهــٰـا عرّفه

ناصر الدِّين وأصوله وصَفّه

ونوَرُه مِن نور الأمامه وارفه

جسَد إدروب الشهاده إبنهضَته  -  وهام للحك والعقيده إبهَمته

بالقياده الحيدريَه  -  والمراضع فاطميه

مِنْ عَلي نال الشجاعه وجوده

٣- كَصد كُوفـــٰـان وكَطع طوفانها

زَلْزَل الحوُمه وَذبح فرســـٰـانها

محَصّن إبشيمة علي وعدنانها

ثار إبعيوَنه  الغضَب بُركــــٰـانها

ضَد اراذل آل أميه المارده  -  نقضت إعهود النبوه الوارده

صال والحسَره خفَيّه  -  والمراضع فاطميه

مِن علي نال الشجاعه وجوُده

٤- عِزم أمرَه وأنتخَه لحسَينها

شَد حيازيَمه وتعنّه إبجبها

جَنه عمّه إبصُولته إبحنينها

أرعَب إجيوش العَده إبصفينها

ما آنَه عِد عينك ينفًس المصُطفه  -  آمْر وُشوف إبن عمّك بالوفَه

إبنفسك إكلبها الثنيّه  - والمراضع فاطميه

مِنْ علي نال الشجاعه وجُوده

٥- حـــٰـايَر ولاله نصَير ولا مُعين

والأعادي إتَكالبت يسره ويمين

صَدْ لبُو اليمّه إبسَلامه والحنين

آنَه إبكل شده أندبك يا حسين

غدْرُوا إبمَسلم إراذل كُومها  -  وبيعَتك نقضَوها والمفهَومها

حاير وشيطح إبديّه -  والمراضع فاطميه

من علي نال الشجاع وجوُده

٦- جَن أسَد غالب تناخه الحومَته

إبنخوته لحَسين وثق عصَمته

وراية العباس شدها إبغيرته

لون حاضر جا كلبها الثايته

دارت إعليه الجيوش إبنارهــٰـا  -  بالصمَيده إنتخَه يحي أشراها

ها يحمــٰـاي الحميّه  - والمراضع فاطمه

من علي نال الشجاعه وجوده

٧- كَصد إبهْمَومَه وغُربته وحيَرته

لعد طوعه بلجي تطفي جمَرته

مِنْ رَعاع الكَوم طُوعَه حــٰـامَته

حين عرفت بيه مسلم بــٰـارتَه

ودّع إحسين إبسَلامه ودمَعته  -  البايَعوك الأمس نقضوا بيعَته

إمودّع الله يالتجيّه  -  والمراضع فاطميه

مِن علي نال الشجاعه وجوده