ضُمْ حَيلَك للطف يالأكَبر  -  ولدَّينَك جـــٰـاهَد بالأكبَر

١- يَوْلَيدي للطف ربَيتَك رايتَك بالرَوُح إجَــــــــــــوُد

عـــٰـاهَدت إحسَين إبضَي عيني والأملاك إعَلينَه شَهـوُد

لجَل الدِّين أتضَحَي إبنفسَك هذا أسمَه غايـــٰـات الجُود

للداريَن إذخَرتَك يَبنَي ويَ الباري عَهَدك مَعقُــــــــــود

تُوفى الجدَّك يَومُ المحَشر  -  وتزيل ابعْزَمَك كُل مُنكَر

٢- خَذْ روُحي ويَ رَوحُك يَبني مِنْ تكصَد للحُومَه إذّكَر

دَعوُة أم بالشِدّه إتَشيمَك وبــحَالتهـــٰـا إشلون أتْصَـــــــور

فَراكَكَ يــــــالغالي مَحيّرهــٰـا والمدمَع بالدَمعَـــــه إتفَجّـــــــر

تُردْ ليهـــٰـا يا نور الهادي لو تُبكَه الشُوفَــــــــك تتحَسّــــــر

هذا أمرَ الله اعَليكم قدّر  -  خضَابك يَصبَحْ فيض المنحَر

٣- تدرَي مَعَنه إحسَين إشيعَني يَوليَدي اللّوح المذُكَور

آيــــٰـات النُور إبحَكْ نَزلَتَ بأسَمـــٰـاهُم هالكَون إيَدوُر

إبمَشكَــــٰـاتَه المصَبــــٰـاح منَوّر دُرّي النُور إمِنْ النُـــــور

وأتْجلّه بأنوٰار الزَهَره قنَديَل وشَعْ فُــــــــوك الطُــــــــوُر

آيــــٰـآت بأسَمـــٰـاهُم صوّر   -  تَنشَدَهــٰـا رَوّادْ المنَبَر

٤- هـــٰـاي أسَرار الله وغــــٰـايتَهـــٰـا إبَين الكاف وبَينَ النُون

وَحَروُف إسِمَه إبحَكْ طلَسَمهـــٰـا مِنْ سرِّ الأسم المَكْنـــوُن

والأفلاٰك إطْوَٰاهـــٰـا إبـــسِّره وإتـْجـّلــــه النُور إعالَكــــــوُن

كُنْ آمرَهَـــٰـا وطَـــٰـاعَت لأمْرَه أطبــــٰـاق السَبعه يلَبّـــــــوُن

لجَل الخمسَه شمْسَين أزهَرْ  -  وللتَسعه بآياتَه نوّر

٥- لوُلاٰهُمْ لاٰ دِّينْ إعَرفَنَه لاٰ ضوّتَنه بَيضدْ إسَمـــٰــاك

جا تهنَه ولاٰ راعَــــــــي يَلمنَه ونَــــدّور بَين الأفَـــــلاٰك

بالأطيـــٰـاب وحَبُهم لذْنَ هصْرَنَه إجَنوُد إبَين الَـــــواك

منَصُورَين إبنُور الهادي ولحَبْهُـــــــم هَلّتْ أمْــــــــلاٰك

بارينَه ابرَوُح الله بَشّر  -  بآيــــٰـات القُرآن إتَبَصّر

٦- يَوليَدَي مَعَنـــــٰـاكُم ثَورُه صَبّتْ نار إعالأشَرٰار

والَلّي ناصَرُكُــــم بالشِــــــــدَّه فاز ورّاه الكَــــــــرٰار

مِنْ كوثر شهَده وأنهَـــٰـارَه وأنَقَذكُم مِنْ حَرّ النـــٰـار

يالأكَبر وثَقّهــــٰـا إعْهَوُدَك وأتَوّسَم صَبر الـمُختـــٰـار

لمصَيَبَتكُم جَبَريل أجْهَرْ  -  صَــــٰـاح إبَصُوت اللهُ أكَبَرْ

٧- يَالأكبَر صُوُل إعالعَسَكر لمْهَــــٰـا وطَشّرهـــٰـا الصُوَبَين

مَثّلْ جَدّك يُومَه إبخَيبَر وَزُد أسَلافَـــــــــك يُوم إحَنيـــــــن

هـــٰـاي أُمَك تُوصَيَك إبهَمّه أرَدْ اروَيَك إبدَمعْ العَـيــــــــن

كَلب إحسَين مُصَابكَ جـسّه وَكَليَبي إتفَجـّــــر نُصيـــــــن

مِنْ شــٰـافَك بالحوُمَه مَوّذرْ  -  نــــٰـاده الحرّه وحــٰـالَه إتْغيّر

ضُمْ حَيلك للطف يالأكبَر  -  والدِّينك جـــٰـاهد بالأكبـــَر