صَرْخَة الوُفـــٰـاء

شلون ردَت كربله ضنوَه عَلينه  -  حايره وتنَشد عَميد الُكَوم وَينه

مَجتفه إبجَبل الوَصُيّه  - تنَدب الحامي الحَميّه

ريَت حــٰـاضر تشَهد اليوَم أربَعينه

١- تدَري خُويَه إوصَيتَك والله ثَجيَله

عُكَب عَينك أُبَكَه لعيَــــٰـالك مُعَيله

عَليّ جار الدَهر صــٰـاب إنجوم ليَله

صاب دار الحزن مِن فارك خليله

روُحه هامَت مِنْ سِمع صرَخة كفيله  -  هَوى إعليه إبحزَن والمدمع سَبيله

إشلون حالَ الفاطميه  -  تنَدب الحامي الحميّه

ريت حــٰـاضَر تشَهد اليوَم أربعينه

٢- أمنَتني والأمانه صَعْب تنقـــٰـاس

بين روحَين الوُفَه وبآخر أنفاس

إبكربَله وكلت لينَه املاك حرّاس

والكفيل إعليج حامي اللوه عبّاس

ودَعَت كربله إبدَمعاتي الحزينة  -  إتوّسدَت روحي على إجروحه الحنينَه

مِن يصَبرها الرقيه  -  تندب الحامي الحميّه

ريَت حاضر تشهد اليوم أربعَينه

٣- إبلايَه روح أمشَي وأباريهـــٰـا السَبيّه

بالخيَم نَيران شَبت جنَها بيَه

صــٰــابَرت وأصبَر على ثكَل الرزَيه

لنَ صدى يا يمّه أوفي للوصَيّه

يُمّه إبرَبـــٰـاي أقسَم إعليج وحنيني  -  باري ركب المرتَضه إبعشرة سَنيني

ها يَروح الطالبيه  -  تندبَ الحامي الحميّه

ريَت حـــٰـاضَر تشهد اليوم أربَعينيه

٤- جيَتك ونار الغرب تلتَهب بيّه

إبروحي أسَرارك يروح الفاطميَه

والأمانه ردّت وشهكَة رُقيه

وخُنَصُر المكَطوع وناتَه سريه

لوَن تدري حالة سِكينه ويَليَله  -  والربـــٰـاب إمَصـــٰـابهـــٰـا مــٰـا مَر مثيله

غاب ضي عيني الضّويه  -  تندب الحامي الحميّه

رَيت حـــٰـاضر تشَهد اليوم أربعَينه

٥- وَحده أضنَاهـــٰـا دهرها إبفَكد الأكبر

وحده صَوّبها المثلث ناره تسَعر

جاسم العَمّه تعنَّه ونورُه يَزْهر

والعقيله تنوح إبفراك المشَكّر

عالشريَعه إموّسَد إجروُحه وجَفوفه  -  والسَهم ثابت إبعَينه فصَل شُوفه

نوُره ضوّه الغاضريَه  -  تندب الحامي الحميّه

ريت حــٰـاضر تشهد اليوم أربعَينه

٦- هاج تَجر الدَمع ويبَاري إنتظارك

إتناخَت الثوّار وحشود القرارك

ناذره الأرواح تَسعه اليَوم ثارك

والكَفَيله مَناطرَه  إبَلهَفه الشعارك

هـــٰـا يثار الله وأميَن أعَالوصَيّه  -  هــٰـا يثوره أعالطُغـــٰـاة الناصَبيه

عاهَدت والحك سَجيه  -  تندب الحامي الحَمّيه

ريَت حـــٰـاضر تشهد اليَوم أربعيَنه