شَنهُو الروُح لجَل الدِّين والعَين  -  ميــــٰـامَين أربعَة أفدي للحَسين

عهد للطالبيه  -  أوفى للزجيه

ميـــٰـامين أربعَه أفديّ للحسين

١- هـــٰـاجَروا أشبـــٰـاح عَنّه وعَسعسْ الليل إبظلامه

إعليهم الأنظار شبَحت وناحَت إبوّنه اليتامه

للعقيله أحباب جانوا ولأم حسن غيره وشهامه

إتَكورت بيض البوارق وكسفت إشموس إبغمامه

سُورَبت عيني الضَويه  -  والديار أمسَت خليه  -  ولا بُكَه ناصر إليه

والحزَن وشَح إعلامه

إبميــــٰـادين الحرَب شَبت براكين  -  صابت كل كلب وادمَت الثقلين

كواكب أزهريَه  -  اوفى للزجيه

ميامين أربعه أفدي للحسَين

٢- آه يا ثكل الفجيَعه الفاركت أخ وأخيّه

آه مِن جور الليالي الصَوّبت ضلع الزجَيه

آه يا حركَت الدمَعه الغربتني بهالمسيه

آه يمَصاب الفواطم آه يا شهكَة رُقيه

فراكهم صوّب دليلي  -  والغرب صحّاني ليلي  -  مساهره ومهدوم حيلي

مَكَدّره وأصَفج إبدَيه

صَفت بيض البيابي عالمطاعين  - بيش أنظروا أشل إجرَوح هَالحين

بعد شنهو البدَيه  -  أوفي للزجيَه

ميامين أربعَه أفدي للحسَين

٣- مصَــــٰـابَهُم أدمَه المحـــٰـاجَر والنظر رَكْ ابفَكدُهم

إتحَيرت يا كُمر أرعَه غابت أقمــــٰـار الأودَهم

إبنورهم جنت أكضي ليلي للشدايد جنت أعَدهم

حزنت إديار الأمامه والوحي إبدمعَه وصَلهَم

ندّب والمدمع  يسيل  -  حَلّت أملاكه إبعَويل  -  إتفاركوا خِل وخليل

هُودَج الرَحمه  إنتخَلهُم

هَيّج ساكني إمصَــــٰـاب الزجيه  -  مِن شافت الحرّه بهالأسيّه

نَداء الزينبيَه  -  اوفي للزجيَه

ميـــٰـامَين  أربعَه أفدي للحسَين

٤- إتحَيرت المَنْ أباري ويـــٰـا جرح دامي أضمَده

إتناثرت آيات بالطف وذر فوك الثره مُوسَده

شلون المها وبيش أعدها وخُنصر المكطوع أرده

بالخيم نيران شبت والعليل شلون أوجَده

إمتَحنت والليل خيمٌ  -  عيني شبحَت للمَخيم  -  لن عليل أبصُوتَه تَمتَمْ

هذا يومي الجْنت أعدّه

على حاله تهل دمعَه رقيه  -  وسيكنه تنوح وين أهل الحميَّه

يعَمه شهالرزيه  -  أوفي للزجَيه

ميامين أربعَه أفَدي للحسَين

٥- للغَري شَبحت عيوني للصَمَيده أرد إجَعده

وأخبره عالجره إعلينه شَأخرك عنّه انشَده

منت للشدات تحضر من مليك العرش عَهده

لن سَحابة نور لاحَت ظهر فارسَها الأودّه

ما آنه عِدْ عَيناج بوُيَه  - والله أزلزها الثـــنيه  -  وآخذ بثار الزجيَّه

وللعقيله إنتخه إبوعَده

ريت إبعدد أنصَـــٰـاره إلي إبنين  -  الوجه الله أضحّي هالقرابين

شمايل وحيويَه  -  أوفي للزجيه

ميامين أربعَه أفدي للحسين