سلام الله عالرأس الخَضيب  -  شَبيه الهادي والشيخ الحبيب

وعلى مِنْ ناصَر إحسَين  - والصَفوه الميـــٰـامَين

سَلام الله عالرأس الخضيب

١- هُبط جبَريل لأرض الطف يواسَيله

وآيات الذكر نزلت تسَميله

سَلام إمن العَرش ابحرَوفه تهليله

مشت فخر النسَه للحك تفَيلَه

يَبعد الروح مِن غيرك صفالي  - وسَفه إتغيب يا عزي ودلالي

غيابك يَتم الدَّين   - والصفوه الميامَين

سَلاٰم الله عالرأس الخضَيب

٢- عَليك الأرض ناحَت والسمَاوات

المآذن كَبّرت بأعلى النداءات

تهَادَه الصَوت ما بين الحجابات

إنصـــٰـاب الدِّين وأركانه والآيات

حِزن دار الوحَي إبثكل الرزَيه  -  كسف نور الشمس بالغاضرَيه

إنطفت شمعَتنه هالحَين  -  والصَفوه الميامين

سلام الله عالرأس الخضيبِ

٣- تجَوُه الدِّينه أبو فاضَل زهى إهلاله

إبمَيادين الشرف والغضب يحْلاله

يصَول إبكربَله وأنصاره تنخاله

لن ضنوة علي توصيَه إبدلاٰله

يخَوُيه إبشيمَتك بـــٰـارَي الثنّيه  -  يا أمجاد الوصَي وعَينه الضُوّيه

يَمهُجه روحي والعين  - والصَفوه الميامين

سَلام الله عالرأس الخضيب

٤- شِبل الحك تعَنّه إبنفسَه غــٰـايه

عِزَم أمره وتَحّزم للمنَايه

كصد لحسَين وبروح الولايه

هَل دمعَه ونشر إبطفوفه آيَه

يَبوُيه لو رحَت إنخَه الزجَيه  -  تردْ روحي إلي وعين الضْوَيه

يل سَلوة الروحَين  -  والصفوه الميَامين

سَلام الله عالرأس الخضَيب

٥- دنَه شبل الحَسن يَتْرجَه من عَمّه

يَكابر عالـجَروح يشاركه هَمّه

إبدمُوع الموادع عانكَه وضمّه

روحي ويَاك إخذها إبغْرتَه شمّه

يَروُح الحسَن روحي وياك ضُمها  - ودمَعات الفراك إبروحي لمهَا

بيهـــٰـا أنطفي ناريَن  -  والصَفوه الميامين

سَلام الله عالرأس الخضيب

٦- عِفه كَليبج يُحرّه شْكُثر بَيه هموُم

ظلع أُمج الزهره والحسَن مسَمُوم

لو نحَر الحسَين وطفله ما مفطوم

والجفين أدَهى وحَيره المالوم

نَيال الوُفه ليَوم إحسَين عهَده  -  نصَيره وبالشهاده نال ودّه

نوّرهـــٰـا بالدارين  -  والصَفوه الميامين

سَلام الله عالرأس الخضيب