إبَوجدانَه حب إحسين  -  ما ينسَه اليوم الدِّين

بالنور تشهد آياته   -   بالنحر شيد عصمته

نوره إنتشر عالكونين

١- نوره تجّله إعالخَلك  -  ولأمتّه يبَاريها

ياسين علّه رايتَه  -  والمرتضَى ساريها

واتغذه مِن روح الوفه  -  حب فاطمه وصافيها

والعصَمه أمست منهَجه  -  وأفكارها إيجاريها

كعَبه وصُفه بالدارين  -  إبحروفَه مَهّد  نجدين

للدِّين ناذر مُهَجته  -  بالنحر شيّد عَصمته

نوره إنتَشر عالكونين

٢- لولاه لا دِّين إعتمَر  -  ولا جنَه شٰـاعَت لا نار

لا صوم لا حج إنفرض  -  ولا كربلاء الثوّار

ولا عرفنه آيات الذكر  -  وشبيهٰـا مِن الأسرار

معناها بالطف إنعْرَف  -  وحَيرت كل الأفكار

يومك وسام الاحرار       والقلده حامي الجار

بالعرش وضح سيرته      بالنحر شيد عصمته

نوره انتشر عالكونين

٣- رفرفَت بالحك رايته  -  بالنصر تزهي وإيمٰـان

وأعلنت مبدء ثورتك  -  ضد الكفر والطغيان

قارعَت أرجاس الجبت  -  وأهل السقيفه العنوان

ضحّيت لله مهجتك  -  وللدِّين أعظم قربان

إبطف كربله هالبرهُان  -  جسّد معاني القرآن

للحين شعر جمرته  -  بالنحر شيد عَصمته

نوره إنتشر عالكونين

٤- للذلّه جفَه مارَضخ   -  ولا ساوم ابداً أشرار

   بأسم الله تشمخ هامته  -  رغم الطغاة الفجّـٰـار

ولواه شامخ كل عصر  -   ويومَه منار الثوّار

عاشور خلّد مولده  -  بكلوب كل الأخيار

جسَد آيات الدفتين  -  بأسمه بدَه هالتكوين

عالأمه هام إبحَسرته  -  بالنحَر شيّد عصَمته

نوره إنتشر عالكونين

٥- ثار وتحّزم بالُوفه  -  وحَجة علي يلقيَهٰـا

حامل وصّية فاطمه  -  وجبريل حَلّ يحميهٰـا

جف الكمر سل صٰـارمه  -  والرايته إيبٰـاريهٰـا

ضحّه العضيده إبمهجَته  -  ولخوته يفْديهٰـا

لجل فده بالجفين  -  والسهم صاب العنَين

ولحسين زودّ حيرته  -  بالنحر شيد عصمته

نوره إنتشر عالكونين

٦- جم كوكب الدينَه فده  -  وجم كُمر بالطف وسَدّه

جَم آية ظلت حايره  -  وجم جرح بيده ضمدّه

وعيُونه بالهم شابحه  -  عالبكَت بالطف صٰـامَده

ترعه العليل إبغربته  -  والحرم ترجه مسنده

إتقبل يربي القربان  -  يا عالم ويا حنّان

للباري أعلن صرخته  -  بالنحَر شيّد عصَمته

نوره إنتشر عالكونين