حِلمَنه إنشُوف يُومَك  -  وترفرف إعَلومُك

يا عَذب الفراتين  -  يا شمعه النجدين

حِلمنَه إنشوف يوُمك

١- نَغم صُوتك يناديني وأهَيم بيــٰـاهَله أترجاك

يبَسَمك نور الأفلاك وأملاك العرش ترعــــٰـاك

يالوسّمك للثارات والحك إنتفض ويّاك

إبيَمناك الوصّيه تلوك قدسّيه ونشرها الواك

موعودين تدرَينه  -  وعيونك تبارَينه

يا حامي العراقيين  -  يا شمعة النجدين

حَلمنُه إنَشُوف يوُمَك

٢- ذكرك مِن يُمر طرواه تجود أرواحها العسكر

تتناخه وتكَف صَفيّن وبغرتك تتباشر

جالضــٰــامي ولفاه الماي وجَبده إمن الضمَه مفطّر

يتنطر الراوي إبشوك يا ساعه الَه يَظهَر

عذب وبجفك إروينه  - هَله بيكم تنادينه

يمنوّر العنين  -  يا شمعة النجدين

حِلمنه إنشوف يُومَك

٣- يا نفَحة عطر وتفوح مِن فردوس هــٰـادينَه

ياسَين وتبارك سور تحمينه إمَن أعـــٰـاديَنه

طول العُمر نلهج بيك يمنوّر روابينَه

بأسمَك جسّد القرآن وبآياته تهدينه

نَظْراٰتَك تبارينَه  -  مَناجـــٰـاتك تسلْينه

أنصار الك  صَفّين  - يا شمعة النجدين

حِلمنه إنشوف يُومَك

٤- رَيت إتشوف بَينه إصّار من جور الوهابيَه

حفنه خيبريَه أرجاس والمصدر بني أُميّه

أمسهم شوه التاريخ ذبح تفجير يوميه

عادوا بالخيانه اليوم من بلدان رجَعيه

والحسرات تجوينه  -  نندب وين والينه

يَمضَمّد الجرحين  - يا شَمعة النجدين

حِلمنه إنشوف يومك

٥- ننخَه إبشهَكَة الزهره حدر رموشنه العَبره

تفيض إبساعه الحسره إبكلبنه مسعره الجمره

جَم مهموم يندب آه وآهاتَه عالحرّه

من غربَت لأرض الشام ضناها البعُد والحسره

وين الجان حامينَه  -  صريع ومغمَضت عينه

متوسّد الجفين  -  يا شمعة النجدين

حِلمنه إنشوف يوُمَك

٦- هاي أنصـــٰـار منذوره اليومَك تظل ناطوره

يا ساعه تَطر يا يوم والرايات منشوره

من يثرب تسَيرا صفوف هالأرواح منذوره

تشمي الكربله ويّاك حدر الواك منصَوره

عالنحَرين دمَعتهــــٰـا  -  للثارات غايتها

تصَلّي إبحضرة إحسَين  -  يا شمعه النجدين

حِلمنه إنشوف يومك