" جَفْ القَبّله الكَرار هَمْ يَحتــٰـاجَله بُرهــٰـان "

بَزغ بدر الوُفه عباس يوم الرابع إبشعبـٰـان

                                      واللوّح إنتشى إبملكاه ونشر أنواره عالأكوان

جَبينه وسَمّه القَدُوس عالثقلين والأفلاك

                                      ولطف كربله نَبراس تشهَدله الأنس والجان

نذَر عُمره لبو اليمّه ونظراته صُفَن حرّاس

                                      عَهد ويّه العقيله إنصــٰـاغ يحــٰـاميَهــٰـا شبل عدنان

أخُو زيَنب لو تنخَاه يَجفل الكوم بالميدان

                                      غيرة زينب إبيَمنـٰـاه مِن يثور جَالبُركـٰـان

مثلَه مَنولد لا صـٰـار راضع شيمة الكرار

                                      رفَض يَشرب لذَيذ الماي وعضَيده حاير  وضمأن

ما همّه العطش والحر كابر عالضِمه بالثار

                                      يسحك عالمنايه الحيد إبزود إحسين والأيمان

إبجَفه يَلوُك ذوالفقـٰـار مِنْ يَصول عالجيمـٰـان

                                      يلمّلهَا ويطشَرها ويكوطرهــٰـا عالتَربــٰـان

يَزْلزَلهــٰـا الأرض لو صــٰـال تشرد منّه كل إعداه

                                      جف القبّله الكرّارهَمْ يحتـــٰـاجَله بُرهــٰـان

وحَجر اللّي تَربّه بيه محَفوظ إبربَه الشجعان      

                                      عين أم البنيَن إعليه وحيدر واصَله بأحسَــٰـان

بأسمَه صدّر المرسَوم سُور الدِّين والقرآن

                                      لو لا كل فرض ما قام ولا دوّه إبوطنه آذآن

ولا حجينَه بيت الله  ولا تواصلنه بالعرفان

                                      ولا نصبنه المئاتــم دوم ولارتلــــنه بالقران

لاجَنه عرفنه ونار ولا مالكها لا رضوان

                                                               ولا كوثر يرَوينه إبجَفوف الحور والولدان

تعظيم الشعائر نور يزهي إبعالم الإيمان

                                      مِنْ هل أتَه شع ونور وكَلب المحكم الرحَمـــٰـن

قدسَي وصَفّه المرسوم مولدهم شفه المالوم

                                      كُل عَــٰـام النظر يَربــٰـاه ويهل دمعاته عالأوطان

خِل ويَه الخليل اليَوم فَرحان إبشهر شِعبان

                                      كل منهم شعل شمعه وقناديل الورد الوان

نتبادل تهاني العيد جالصـٰـايم شهر رُمضان

                                      جالزاير رسول الله وطاف إبكعبة الرحمَـــٰـن

وّنكر عين البتول إبشوك إبمولد راية الأسلام

                                      نلتمسَه يشع نوره ويزيل إهموم كل حَيران

لواء النصر لاح وشاع يتهاده إبسمــٰـانهَ وبــٰـان

                                      رَيت إجنود إحَنه ويــٰـاه نَردّن لهفة الولهان