وفاء الحوراء

رَوُحي هامَت تَدّور عَالگفلها    ـ  تنَتَظر جَيتَه وَيلمْ شَمْلَها

رَيت عُمري فدَه العَمرك ـ سَلمَت للباري أمرك

رَوحَي هامَت تَدوّر عَالگفلها

شَلون حالي عُگب عَينك ياعَگيد الطالبيَه

بَينه وصّاك الصُمَيد مِنْ تَصْل للغاضَريه

وَدع إبَچفك أمانَه مَوّثقه إبرَوح الوصَيه

واذخرك لحَسين تچوَه والنجُوم الأزهَريه

لحيَدره توفي إبَوصاله ـ تحقق إبعَهدك مناله ـ مَحَصن بآسم الجلاله

يانَبض گلب الزَجّيه

مصَيبه حَلّت على الزَهره وآملها ـ طافَت إبكربله إبدمعة وصَلها

بالعَرش مَهيُوب سرّك ـ سَلمَت للباري أمرك

روَحي هامَت تَدوّر عَالگفلها

عاشَر الأحزان يُوَمك وكربَله جَنة أحَلامك

مملكة عِز وشهاده منوّره إبهَيبة اسلامك

وآرتوَت مِنْ فيض هَامك ثوره جسَدها قيامَك

إمعَطره إبطيَب الولايه إمَحَصنه إبشفَرة حُسَامك

أخو زَينب ياحمانَه ـ إبچفك يرَفرف لوُانه ـ وآرسَمت للحَك بيَانه

نَلتْ مِنْ حَيدر وسَامَك

حرَت بأمَر اليتامَه الفاطمَيه ـ نارهَم بالگلب تسَعر سرَيَه

على إعضيَدك تاه فكرك ـ سَلمت للباري امَرك

رَوحي هامَت تَدوُر عَالگفلها

المنَ إگصَد وآشَتَكيله أوَنْ والوَنّه ثَچيله

ظل وحَيد إحسَين بالطف شابحَه إعيونه الكفيله

موّسَد إجرَوحه ويَنادي يَندْب الحَامي دخَيله

إبلايَه واليَ الحَرم ظَلّت والنظر فارك خَليَله

صَدر مَرَسُوم الشهاده ـ إبكربله دار السعاده ـ تلوك بالحره القياده

وسَمّه رَوح الوَسيله

نار فگدك جُوتَني بهل المسَيه ـ وآندبت بالدمع حامي الوَصّيه

فدَيت للقيوّم عمُرك ـ سَلمت للباري أمرك

روُحي هَامَت تَدوُر عَالگفلها

لاخيم تَحمي الفواطم لانصَير ولامُوالي

كَمُت أتعثر إبدَمعي وأعد   نجمات الليالي

إجرُوحهُم رَيت إبَد ليلي بَيهن أذكرّ دلالي

بالصَبر أسحَن وألهَم وأشكي للرحمان حَالي

فوَضت للباري أمري ـ نوُرَ عيني وحَامي خدْرَي ـ أوفَيت لجَل الدَّين نَذَري

بالحَمد يحَله إبتهالي

كربَله أمسَتْ منار الطالبيه ـ والفجَر جسَد مراسيم الوصَيّه

أوفيَت للمعَبود نذرك ـ سَلمت للباري امرك

روَحي هامَت تدور عالگفَلها

طالتَ الغَيبه عَلينه ياسَمّى الهاشَميه

رَيت نَحْضر يوم ثارك نثأر الضلع الزچيه

نوفي للحره إبعهَدنه والجفَوف الفاضليه

نزور أبو اليمه إبحضرته والأنصار المهدويه

نسعه ونطوف إبحضرته ـ ندعى ونصَلّي إبگبتّه ـ إبكربَله نَنَشْر رايته

بالحشود العسكريه

يامليك الوصَيّه السرَمديه ـ يامنار الهَدايه الوُحَيويه

طرز القرآن ذكرك ـ سَلمّت للباري أمرك

روَحي هامَت تَدوُر عَالگفلها