هالة السماء

تَسْعر بالگلب جَمْرَه البَسمار  فَجعْ أهل الولايه وَرَوح الأطهار

سِگط رَوُح الزچيه ـ ندَب حَامي الوُصيّه

تسَعرْ بالگلب جَمرة البسَمار

شَلون حَاله الهادي أمسَه مِنْ سمع شهگه الزهَره

رفَرْفرَت روح النبوّه والوصَي مَحتار بَأمَره

إمچتف إبحبَل الوصّيه إنشغل بالحسَنين فكره

عيَنه شبَحت للعقيَله إمدُوهنه وتسچب العَبره

نَدْبَت اليعسَوب دَّينه ـ ياوصَي الهادي ومُعيَنه ـ ياكتاب الله وأمينَه

نَذر للجبار عُمره

المصُيبة فاطمَه إحتارَت الأفكار ـ فجيعَه موّثقه إبعَالم الأسَرار

كوكب غُفه ضيّه ـ ندب حامي الوصيّه

تسعَر بالگلب جَمرة البسمار

هَجَموا أشرار السقَيفه والحثالَه الخيبَريَه

حرگوا الباب إبحَقدهم حفنه مِنْ أرجاس أمَيه

إبنارهَم صَابوا العتَره والنجوُم الأزهريه

مارعَوا للدَّين حرمه صابَوا الزهَره التقيه

آه ياجَرح الزچيه ـ حَيّر إحسين وأخيّه ـ للعقيله الطالبيه

والأملاك الوَحْيَويه

هُوت روَح الصُميَده إبجَور الأرجاس ـ ندبَ ربّ العَرش وبَروَحه إحساس

سِطعْ نوُر الثريَه   ـ ندبَ حَامي الوصَيّه

تَسعَر بالگلب جَمَرة البسمار

إتَوّسمت بالصَبر زَينب تَنْظُر الحامَي دخَيله

إتَمسّك إبعروة الوثقه هاجتِ إبعينه الوسَيه

صُبَر وبَروحه حَسره ناح والوَنّه ثچيله

إسَترجَع الباري ابمَصابه وَدّع الخِل وخَليَه

وَدّع إبروحه الأمانه ـ هَاله وتنوّر سمانه ـ روَحه أخفاها وحناَنه

وبآمرها تشتگيله

رُوَحين التفَتَ جَنة المختار ـ وبآسمك صَفَت حكمه الجبّار 

حفَظ سرَّ الزچيه ـ ندَب حَامَي الوصَيّه

تسَعرْ بالگلب جَمرة البسمار

ياعَلي بَلَواك ضُمنه نَعظَم أسرار الوُلايه

نَهْتدي إبنهج العقيده إنوَسم إدرَوُب الهدايه

حُجة الله إعالخليقَه الصُحَف تشهد عن درَايَه

وبنهَج أهَل المعارف ياعَلي أنتَ البَدايَه

لآخر نفس ويّاك ـ الأصل وفروَعه بحماك ـ تَرد لهفه الينَخاك

عذب شهدك شفايه

يَاباب الحوائج حَامي للجار ـ بآسَمك ياعلينَه تَزهَي الأقمار

شَهيد الفاطميَه ـ نَدب حَامي الوُصيّه

تَسْعَر بالگلب جَمْرَه البسَمار

لسَه يَدّي جرح محسن والضلع نيرانه تسَعرْ

ينتخَى الراعَي الوصَيّه يعلن إبثاراته يَظْهر

وبلواء الحمد يسَعه والجرَوح العتره يثأر

يَگرُ عين الزَينبيه لامة القران بشَرّ

سِير بَينه ياأملنه ـ إبعَزمك تحقق حلمنه ـ تنشر الواك إبوَطنَه

والعَدل بَسماك يَزْهَر

يَمْحَشد أنصاره السَاعَة الثارـ يَمْعاهد الحرّه يَمْحَي الأشَرار

نَصير المهَدوُيه ـ ندَبَ حامي الوُصَيّه

تَسعَر بالگلب جَمْرة البسمار