قاهرة الصبر

يَلگصَتُوا الغاضَريه ـ ديارَكُم أمَستْ خَليَه

سافر وياكم حَنيني وإنَطفت شَمعة إسَنيني

والحَزن خَيّم عَليّه

يَلنو يَتُوا إتفارگوني روُحي باروَها إبعَطُفكم

فراكُم زوّد المهَا تنَتظر ساعة گربَگم

إلمنَ أكصَد وأشكي حالي نَجوُم ليَليَ جَنت أعدكم

غُفت مِنْ أحبابَي غابَوا إبَكل فرض تَرجَه وصَلكم

جار دهَري ـ كسر ظهري ـ هذا قدري ـ أبگه ملهوفه النَظركم

هَدّمت حيَلي الأسَيّه ـ على إفراك الزينبَيه

غيابَهم زوّد ونيَني ـ وإنطفت شَمعة إسنيني

والحِزن خَيّم عَليَّه

إتكوَرت بيض الليالي وانحَجَب نور الثَريَه

سافرَت عيني وَدمَعها تنشد إعَله الفاطمَيه

هَمْ بعَد يَلتمْ شمَلنه ياهَلي لوُ هاي هيَّه

شبَچت العشره وتنادي آه ياثگل الرَزيه

هايَولي ـ إنهَدم حَيلي ـ إنشدت ليلي ـ عَنْ عمَيد الطالبيَه 

رَيت وأفتني المنَيّه ـ ولاشَفت هذي المسَيّه

ذاب گلبي ونظر عيني ـ وانطفَت شمَعة إسنيني

والحِزن خَيّم عَليَّه

گمت أتعثّر إبدمَعي وَنارهَم حْركت دليَلي

وسَدّت جَرحي وأكابر حسبّت يرَجع معَيلي

مادرَيت الدَهر قاسي بعد مِنْ عيني كفيلي

نشف دمعي وحك جَدّي إتوشّحَت بآحزان ليلي

بس ذكرَهُم ـ صُفه إبحَيهُم ـ لجرحي مَرهَم ـ والغُرب زوّد عَويلي

أوَن والوّنه خفَيه ـ ودمَعتي إعليهم جريه

لجلجلت عبرتي إبعيني ـ وإنطفت شمَعة إسنيني

والحِزن خَيّم عَليَّه

عانَگت صَبري إبيقَيني والألم هَيّج سَكوني

غاب سَعدي ورَبه عُمري غابت وياهم شجُوني

بس ذكرهُم نبض گلبي ومِنْ صُوَرهُم أيسَوُني

      كربَله مَرْسَم  شهاده ترابها كَحّل عُيَوني

شابْ راسَي ـ إمن الماسَي ـ دِمه إحسَاسي ـ وَبفكَدِهُم يَتموُني

مِنْ يواسي الفاطميه ـ ويمَسَح الدمَعة رُقيه

إندَبت جَدّي يعتنيني ـ وانطفَت شمَعه إسنيني

والحِزَن خَيّم عليَّه

فاض صبَري وكثرونيّ إمصَابهم زوّد عذابي

دار حزني إنفجَع بَيهمُ كبّر وَناح المَصُابي

طيفَهمُ مِنْ يُمر بيّه جنَه طارش يَدكْ بابَي

أصحَه مَلهوفه الخبرهم لن صَدى يرَدد جوابي

غُفت روَحي ـ على إجَروحي ـ زاد نُوحي ـ وأعلنت لله أحتسابي

مِنْ يُواسَيني إبغُربتي ـ يَطفيّ مِنْ گلبي جمَرتي

گرّبت ساعات حَيني ـ وأنَطفت شَمعَة إسَنيني

والحِزن خَيّم عليَّه

إتَمحنَت بآمري وغربتي بآية القُربَه ابتهالي

مِنْ بعَد عزي ودلالي آصَدْ للمَحراب خالي

لاعلي وعباس يَميّ عالرضَيع إنشغل بالي

إتوّسمتَ شيمة أجدادي لضنّوه الهادي إمتثالي

حِزن بدَرْيَ ـ صار خِدْرَي ـ هاج قهَري ـ وبَفروض الله إنشغالي

غابَوا الجانَوا سَلوتي ـ عالبُگه ضامي حسَرتي

هايَروُحي ودعَيني ـ وانطَفت شمَعة إسنيني

والحِزن خَيّم عليَّه

هامت الكربَله روحي خِذت وَيّاها سلامي

عَالبگوا عَالغبَره صَرعه لامعُين ولامُحامي

وعالفواطم تاه فكري وعالفده إجفوفه هَيامي

نخيت راعي الأمر يثأر لاخوتي وعُمتي وعَمامي

يحَمي دينَه ـ إبسَر يقينَه ـ يُوفي دَينَه ـ إبكربَله يحقق أحلامي

إظهر وصَوُن الوصَيّه ـ ياعمَيد الجعفريَه

إنت يالحُجّه مُعيني ـ وانطفت شمَعة إسَنيني

والحِزن خيّم عليَّه