قـــاهـَـرْ الـفـُرات

نَواظر بت علي شَبحت الچفينه_إبلاجود إولوه والسَهم چَس عَينه

ينادي ياإمامي  _ إلك عُذري وسَلامي

إبلاجُود إولوه والسَهم چس عَينه

   يَخُويَه يَتَمت رَوُحك ودَينك

وَفيـت الخوتك شاهر يقينَك

يـوم إوصيتك ضـَمته عينَك

چف إبچف تعانك رَبه سنينك

حراير حيدره تندب يوالينه _ منتَ العاهدت چفك يروينه

عضيدك چبده ضامي _ إلك عذري وسلامي

إبلا جُود إولوه والسهم چس عَينه

                        يَضي عيني وكفيلي يادليلي

غيابك طُفه شمعي وهدم حيلي

يابَدر الهواشم نجم ليلي

عگبك من أنشاد ينتخيلي

رباب وليله نادن من يبارينَه _ عُگب عين أبو فاضل من يحامينه

عجز وصَفك كلامي _ إلك عُذري وسلامي

إبلاجُود اولوه والسهم چس عينه

                         سَكنه تنادي عمّه وين والينَه

رُقيه إتهل دمعه گوم ناغينه

شوف الصَار بينَه والجره اعلينه

تَرضَه ابين أعادي يبگه حادينَه

الحامي الجار صَدّن والدمع يجري _ إبخَيمنه النار شَبت وجَرت خدري

يجدّي أنت المحامي _ إلك عُذري وسلامي

إبلاجُود اولوُه والسَهم چس عينه

يَخَوْيه إبلاروح ابكِيتَ محتاره

مِن رفرف لواك أعلن بأسراه

جَودك سال مَيَه وجرت أنهاره

فوك لمَشرعَه مٌوسَد بأفكاره

 ملائكت السمه ناحَت القربانه _ گمر بالطف يلالي إبِنور بَرهانَه

علَى جَروحه هَيامي _  الك عٌذري وسَلامي

إبلاجٌود او لٌوه والسٌهم چس عَينه

أصد لحسَين حَاير من يَباريَه

يدَيرإ بناظره غاب اليحاميه

لن صَوت الوَفه للحك يناديه

خوٌيه إدرك عضَيدك والحك إعليه

يروَحي شَلي إبعمَري عگب عيناك ــ وحيد إبگيت وأتحَشم إبذكراك

جنت نفسي ومقامي  ـ الك عٌذري وسَلامي

إبلاجود اولوٌه والسَهم چس عيَنه

يحَارس للوصٌيه واليوَمك أشتاك

تاَخذ ثار إخوتي الدٌين ناداك

چفين الوفه والسَهم ينخاك

وأ ملاك العَرش صٌـفين وياك

وأنصَارك تلبٌي وشيعة ألواك  ـ  وأحباب الزچيه تَرعه مسَراك

يالمحقق أحلامي ـ إلك عٌذري وسَلامي

إبلاجٌودا ولوه والسَهم چس عينه