فراكَك هَدَ الحَيل     ياباءَ التَهْلَيل

القرآن وحَرفه إتَحَير    والآذان بآسَمك كَبّر

فراكك هَد الحَيل

يانور الله وعلمَ أسَراره يَاَبلسَمْ ياسَين

والآيات بآسَمك نَصّت يآنور العيَين

أمجَادك تزهَر مِن حَيدر إبَدر وصَفَين

والطف مشُهود إبصَولاتك يارَوح النوُرين

يآأركان الدَّين    ياضَيّ النجدَين

بآيات الدسَتور منوّر   والآذان باسمَك كَبّر

فراكَك هَد الحَيل

يَاثَورة إصَلاح ومَبدءَ ياعزَم الثوّار

عاهَدناك ونَبگه إنَبايع يارَمز الأحَرار

مِنْ نهَجك نلهَم يَمشكر وَنذل الأشرار

تشهد لينَه أمصَار العَالم وآعلام الأقطار

وَنلبَي يحَسين    يالهَادي الثقلين

باللوّح وآياتَه مَصوّر    والآذآن بآسَمك  كَبّر

فراكك هَدْ الحَيل

إبَنفسَي إگَصدْ ياضيّ إعَيوني وآنشَرها الرايات

حيَدر قبلها الچفَينك مَعُروفه الغايَات

وصّاك إبعَاشر أحزانك تگلبها الحُومات

وتوّفي  للزهرْ إعَهوُدك  وتَزيد الصَولات

ياحمّاي الدَّين     ياذُخر الدارَين

يابركان الحك إتفجَر    والآذان بآسمك كَبّر

فراكك هَدْ الحيَل

وَصاك الكرار إبزَينب  تَرْعاها إبنَخَواك

إبچفُوفك وَدَعها  وبسَمل آياتَه وتَرباك

شَحده اليوُصَلها وَيدَناها مَحَفوظه إبَرجواك

الوجَه الله أفديها إبروحَي وأحرَسها إبدَعواك

عالي إيَرف الواك   مِنْ حَيدر وسَماك

والدَّين  إچفينك يَعْمَر    والآذان بآسمك كَبّر

فراكَك هَدْ الحَيل

قَدّم قربان الوُجَه الله طَايع لأمر الدَّين
صَال وهَدّم عَرش الطاغي وَعاد أمَجاد إحَنين

مِنْ حَيدر عَزمه وَحملاته ثائر لجل إحَسين

ابچفوفه ضَحّه وضَي عَينه حتى يَوّفي الدَين

وَفّه للسبطين    يَاسَوُر عراقين

البارَي بأحكامَك قدّر    والآذان بآسمَك كَبّر

 فراكَك هَدْ الحَيل

يالقائم نَترَجه إظَهُورَك تَعلن يُوم الثار

بيَن الوَاك إنطوُف ونسعَه وَبعزم الكرار

ثوَره ونَعلنها  إعالطاغي وأرجَاسه الفجّار

ونوّفي لعَهُود الحُرهَ والعَتره الأطهار

مِنْ حماي الجار    عزمَك والمختار

جبَرائيل بنصَرك بَشرّ    والآذان بآسَمك كَبرّ

فراكَك هَدْ الحَيل