فجيعة الحسين

يالمشَيتوُا الكربَله وياكم إخَذوْني   مأاگدرأصَبر عالغُرب يَحْبابي تَدْرُوني

مُوحش صُفه دأر الحزن ـ غيمة قَهر صَبّت مزَن

غاب الينشف دمَعتي وابيّضن عيوني

محتاره بأمري وجَمْرتي أنحَب وأهَل إبدَمْعَتي

عُگب الدلال وهَيبتي ظليت أعانك وحَدتي

المنَ أهَيم إبشگوتي ومنهو اليهّيد شهگتي

ياربّ إرحم حالتي  ردليَّه أهلي وخلّتي

حَدْ شفرتَه إعلّيه الدَهر فارگني مِنْ ناسي ـ إوَحيَده بكَيت بلاأمل إتصَبرني أنفاسي

عالودَعَوني بالمحَنْ غيمة قهر صَبّت مزن

غاب الينشَف دمَعتي وابيضَن عُيوني

صابني لوعُات القدر طعناته جَسّن إبْحَشاي

چلمت  ييمه هاجَرت يابوُيَه أردد إبشفاي

چانولي بلَسم للجرح وشمَعه التضوّي عيناي

ليل الحزن خيمّ عَلي ظليَت أعَدّنْ نجمَاي

يانَظر هيمْ الخلتّك خَبرّني عَنهُم والحال ـ واحمل سَلامي الوالدي والعمَتي والأطفال

مَحْرابهُم ناح وحزَن ـ غيمّة قهر صَبّت مزن

غاب اليَنشَف دمعتي وابيضّن عيوني

چنَت أگضي ساعات الألم أتسَامر ويآاسَراري

وأنسه همومي وحسرتي لله أحتسب بأفكاري  

وأتشيم إبعصمة هلي بالفرض أطفي ناري

وأقره الحمد والقفوله والنور شمَعه الداري

بياسَين الهج والدهر تتنوّر أحلامي وأهدي قيامي وسَجْدتي قربان لأسلامي

بأركان بيتَه إتحَرّزن ـ غيمة قهر صَبّت مزن

غاب الينَشف دمعتي وابيّضن عيوني

ماشافَت عُيوَني الفرح مِنْ هاجَروا أهَل الوُفَه

وحَشه صُفت دار النبي وبَيت الله بآحزانه صَفه

روح الله حَل إبدمَعته وآياته للحك عارفه

هودج علي طر الغريَ بآيمانه رَدْ العاصَفه

صَليّ يَروُحي إبكربَله وآتوضي إبجَرُوحي عالوسَدّوا دار الخُلد لفراكهم نوحي

آياتَهُم بالطف صفن ـ غيمَة قهر صَبّت مزن

غاب الينشف دمعتي وابيّضن عيوني

يابحَر دمعي لاتَچفْ ياليلي طَوّل بالسَهر

بلچي يَمُر طاري الأهل ومنهم يصَلْ ليّ الخبر

ذكراهم إبوسَط الگلب ماينمحي طول الدهر

صُوَرتهم إبطف كربله ومنوّره إبنور الگمُر

أنْصار لظهوره تَحَن تتنّطر هلاله ـ باللوّح والكُرسي يشَع والذكر أقواله

مِنْ يثرب أفواجه مشَن ـ غيمة قهر صَبت مزن

غاب الينشَف دمعتي وابيَضّ عيوني

گمُت أحسَب أيامي وأعَد والفَجر لاح إبغُرتَه

وأتوسّم إبروح الصَبر مِنْ صَبر عَميّ وغيرته

وأتحّصن إبليل القدر والفَده الدينه إبمهجته

الوجَه الله ضحّه إبخلته إبسماي لاحت صُورته

ياحافظ إعُهود النبيّ وآياته وأسراره ـ بثاراتك يَلوحُ النصَر للعتَره وأنصاره

حُكم العدل بيك إرتَهن ـ غيمَة قهر صَبّت مزن

غاب الينشَف دمعتي وإبيَضّن عيوني