فارَسْ الّطْف

ما طاح العَلم ظَل يَحرسْ الراس     هَوى نور الگُمر إبعَيون عبّاس

چفَوفه وجُوده يبَراله     يَحن الشوفة إعياله

هَوى نور الگُمر إبعَيون عبّاس

لفَا والد عَلي وبَوّنه مَسْمَوُعَه

يَنفس إحَسين بيك أكوان مفَجُوعَه

يحامي الواي بيك إعلومي مَوضُوعه

رحَيلك هِدم حيَلي وحزنت فروُعه

ياهَيبة العَسكر ياشدَيد الباس     يعَنوان الصُميّده إبصولة الهّراس

بالطف جسَد إفعَاله     يَــحــن الـشوفـة إعيالــه

هَوى نور الُگمر إبعيَون عبّاس

يَعَصَمه ومعَرفه والغيَره عنَوانَه

غضَب لوصَال يمَحي أثر عَدوانه

حُومة كرَبله تشَهد البُرهَانه

مَحزّم بالوصَيّه ونوُر ايَمانَه

إبفنُون القَيادَه الَبَطل يَنقاس     وبنَهج الأمامه صُبح نَبراس

الزعُامَه إبفخر تحلاله     يَحن الشوفة إعياله

 هَوى نور الگُمر إبعيَون عبّاس

يامَهد الحضارة وهَيبة أجَداده

يچُوجَب آلِ هَاشم تزهي أمجُاده

يَمن أم البنين إمصَدّقه أشهاده

يَنوُر المرتضَه ومَكسّر أصَفاده

غشَمْشَم بالحَرب لحسَين نُوماس       شجاعَه وعِلم بالشّداة مقياس

أمير النحل وصَاّلَه     يَحن الشوفة إعياله

هَوى نور الگُمر إبعَيون عبّاس

ذخَر عُمَره وحياته الضَنّوة الزهَره

سَلْ سَيف الامامه وَزلزل الغبَره

لآيات الشهاده يَرتَل إبعَبَره

رَكبْ فُوك المنايَه إبغيره الحُرّه

چالبركان ثار وزَلَزل السَاس     سِيَله چالعرَمَرم يشَل أنفاس

لبوَ الأحرار مَهُواله     يَحن الشوفة إعياله

هَوى نور الگُمر إبعَيون عبّاس

يا رَوُح الوُفه يا ناصر الدَّين

يا بلسَم إجرُوح الحسَن وحسَين

ياسرّ المثاني ونَوُر ياسَين

يا فِلقة گُمرُ وشعاعه بالعين

يشهدلك الرُوح وعَيسى والناس       وصُحَف مُوسى تشَير بأحَله قرطاس

ضامي الصَبر منهاله     يحَن الشوفة إعَياله

هَوى نور الگُمر إبعَيون عبّاس

يا ناشَر الدَّين وراية الأسلام

يالمحَقق وصَيِته إبحَكمة العّلام

يضَي عَين العقيله وغاية الأحلام

يا باب الحوائج مصَدر الأحكام

يا سَيف الأمامه إمَحّصن إبحَراس   ذَل أوغاد أُمَّيه وحَفنه الأرجاس

عذبَ نسَرينه يَصْفاله     يَحن الشوُفة إعياله

هَوى نور الگُمر إبعيَون عبّاس