ريحانه الرسول

أحَيوا الماتم يَالموالين   دعَوة الزهره إبحَك الحَسين

ضامي إبدليله تلهب النار   وعَيونُه تحرس ظعن الأطهار

ضَمدّوا إجرَوحُه إبدَمعة العين

صوّر التاريخ يوُمَه بْسَمله إبلوحَه وكتابه

صُبح للأجيال مرسم وشحّه  إبحَمُرة خضابه

وسام إبصَدور الأحبه والعدَل شيمة انسابه

وضح أفكار الرسَاله والذكر صَدّق جوابه

نظراته ترعَه الفاطميه ـ تحرس الحرّه الطالبيه ـ إبلاخيم محتاره السبيه ـ مِنْ خالقه حَصّل ثوابه

كل كربلائي فدوه للدَّين ـ ناذر إبعَمرُه الخدمة إحسَين

طف كربَله مركز الثوّار ـ وعَيوُنه تحرس ظعن الأطهار

ضَمدّوا إجروحَه إبدمَعة العين

يالموالي صَوُن عَهدك بالعقَيده والهدايه

عَبدّ إدرَوب الشهاده يالحسيني اسمَه غايه

إبعَروة الوثقه تَمسك عَظمّ آيات الولايه

على سراط الحك تهادَ مِنْ علينه هالعَنايه

نور النبوّه وحَدّه ـ درب الشهاده جَسدّه ـ كوثر الهادي أورده ـ ترَبته أمسَت شفايه

چف العداله والقوانين ـ وبكربله قبله الكونين

لمصيبتَه إحتارت الأفكار ـ وعيونه تحرس ظعن الأطهار

ضمدوا إجرَوحَه إبدَمعة العين

إنتخي إحَسين ابرُقيه والبدَور الأزهَريه

بالچفوف وهَام جَدها والضلوع الفاطميه

بالذكر واللوّح سَطر أسمَه آيات الوُصيّه

بالنبي وصْهره إهتدينه والأسماء الوحَيويه

كربله دار المقامه ـ مملكه عز وزعامه ـ والخدم حَصّل مرامه ـ بالفتاوي المهدَويه

ضحَينه للحك هالقرابين ـ الوجه الله مذكوره  البراهين

ثاروا إبغيره وشيمة أحرار ـ وعيونه تحرس ظعن الأطهار

ضَمدّوا إجروَحه إبدَمعة العَين

بآام حسَن أرتجي ومحسن وألأميره الطالبيه

وأطرق أبواب الأئمه والمطالب سَرمديه

جاروا إعلينه النواصب والحثاله الخارجيه

والسقيفه إبشرَها عادت والمطامع طائفيه

أدمت گلوب اليتامه ـ نَكْرَت اليوم القيامه ـ حَرفت مصدرأقلامه ـ والسياسه فوضويه

بالفتوه عادت بَدر وحنين ـ وبكربله هَلّت الچفين

هبوّا حشدنه هبّت أخيار ـ وعيَونه تحرس ظعن الأطهار

ضمّدوا إجروحه إبدمعة  العين

ريت جرحَك صفه إبعيني إبدمَعتي نارك أطفها

حاير وزادت الآمه إبشَهگه الحرّه وشغفها

والأشد فگد أبوفاضل يصَد لچفَوفه ولطفها

والدَه تودّع شبلها إتزفه للحومه إبعَطفها

صعَبه لحظات الموادع ـ للوحي وأملاكه أفجَعْ ـ مناطره ساعه المصَرع

مِنْ خضابه تروي طفها

وين اليواسي هالمطاعين ـ ولوانه متوّسَد الچفين  

والجُود صابه سهم الأشرار ـ وعيونه تحرس ظعن الأطهار

ضمدّوا إجروَحه إبدمعة العَين

مَرت إصرَوف الليالي ليَله ليَله كَمت أعَدْهنْ

تتنظر طلعت أملنه يضَمد إجروح ويَشدْهنْ

يظهر ويآخذ بثار إبكربله وكوفه يفدهن

عيسى يتزعَم أفواجه الخضر أعلامه نَشْرهن

كبرّوا لجَل النداء ـ لبو الأحرار الفداء ـ وفخر عزنه كربلاء ـ وثار بت حيدر أسَدهن

إظهر وزلزلها الميادين ـ إگلب الحومه يسَره ويَمين

ثورتك غيره وشيمه أنصار ـ وعَيوُنه تحرس ظعن الأطهار

ضَمدّوا إجَروُحه إبدمعة العَين