"  بنفسَي جود إبخوّتك  "

 إعلينَه طالت غيبتك  -  لسَّه حمَره رايتك

محَجرك ينزف دمه  -  لبو اليمّه وفاطمه

لسَّه حمَره رايتك

١- جَم جرح جّسْ الدليك بالطفوف

جَم يَخوُيه إتعــٰـالَت وَشهكَة لهَوُف

جَم نداء الكون كبّر للحتوف

حتى بأطباق السمَه عَم الكسوف

وبدليلي حَسرتك  -  هاجت إبحز ركَبتك

تكورت بَيض السمه  -  لبُو اليمّه وفاطمه

لسَه حمَره رايتك

٢- شَلوُن لو نادَه الـمُنادي إبكربَله

شلوُن حَالة بت علي والعايله

سِكنه من يانسها لو حَل البله

وبَرقُيّه إتمحَنت هَالكـــٰـافله

تسعر إبكلبي جَمرتك  -  هـــٰـاجَت الدَمعه إبنظرتك

وبن حمّاي الحمه  -  لبو اليمّه وفاطمه

لسَّه حمَره رايتك

٣- عفه كليبك يبو اليمّه بهالمسَّيه

عِليمَن إتصّد ناظرك بالغاضريَه

على أنصارك تسجب الدمعه سريه

لو على الحرّه صُفت ثكل الرَزيه

جالنار تلهب عبرتك  -  والغرّب زود مخنك

علي صعبه الموزمه  -   لبو اليمّه وفاطمه

لسَه حمره رايتك

٤- حيرتك بالأكبر وشبل الحسن

مصابهم هالهدم حيلك والمحن

شحال ليله ورمَله والحرّه صُفن

هبط جبرَيل النوايَبهُم حِزن

إختك إبحك نادتك  -  بالطوالب شيَمتك

إبنص الوصّيه عالمه  -  لبو اليمّه وفاطمه

لسَّه حمره رايتك

٥- آه ناده وشبكَه من إخوتي

بَسْ أبو فاضل عليم إبحّالتي

إبجّفه سلمّت الوديعه ورايتي

شلون لو خلاني وحدي إبحيرتي

يخو زينب هَمتك  -  بالعيال وخُوّتك

كبّر وسَلْ صارمَه  -  لبَو اليمّه وفاطمه

لسَه حمره رايتك

٦- كشف عن المشرعه أرجاس الكُفر

جالصمَيده صال وبسيفه الأمر

طشّر إبعزمه النواصب والغدر

إبجّفه ذل الماي وبجوده سدر

بنفسي جود إبنهضتك  -  أوفي لله اوَصيتك

كطع كل يد ظالمه  -  لبو اليمّه وفاطمه

لسَّه حمره رايتك