إبَهَمّي اگصَدت بنَتَ الحَسن عَيناي

لجلها هلّت الدمَعات عَيناي

إبدَمَعي إطرَقت بابچ ـ وآنه مناطر جوابچ ـ إبنبض كلبي مُصَابچ

كل زاير يَهابَچ ـ حجا بالله حجابچ ـ شفائي مِنْ تَرابچ

يَربي إبحك مصابَ الزهره عَيناي

وبَحك مِنْ فدَه إبروحه لأخيَه

علي بآسَمك العالي يَرد ليَلاي ـ لجلي

يَرد لهفه إحسَين وگلب ليَلاي

شَيبه الهادي وحَسين ـ إبيقينه إنتخه للدّين ـ مَبسمل بالطواسَين

الهَ تشهد عراقين ـ چنه إبدر وحنين ـ إبصولاته البراهين

مَبعث نور بالحومات ليَلاي

شعَ إبَكربله وحامَه الوصَيّه

على إديَار أبو الزهَره أملاك طافَن

كل منهم يَهل إدمَوع طافَن

جَروُح الفاطميه ـ ومصأب الزينَبيه ـ وعلى البَطّف رَميّه

ندبَ ربّ البَريّه ـ ودَمع عينه جريه ـ يصَد لحسَين أخيهَ

تَمُر اعليَك خويه إحسَين طافن

طف كربله ومصاب الزچيه

كواكَب عَالسَمُر بالأفق لاحَنَ

عليَنه إمصَابهَم كل عصَر لاحَنَ

گمُر يَضْوي الوسَيَعه ـ إموّسد عالشريَعه ـ وچفَوفه  گطيعَه

عَينه إعالوَ دَيعه ـ تشَب نارَ الفجَيعه ـ على إحسَين وَرضيعَه

متى ظهوَرك يَبو الثارات لاحن

تَطوف إبَكربله والمريَميه