يَسبَع إدچيلها وهَيبه أجَدادهَ   -   اليگصد حَضرتك حَصّل مُراده

يَروح العتره والدَّين   -   بَيك إتشَعْ بَراهَين

يَبوُ جَعفر يمفهَوم الشهاده

• يَسبع إدچيلها وناشَر الرايات

ينبراس الهدايه والدَلالات

كل گاصَد الك وبگلبه  حاجات

تَردّن لهَفتَه إبنفَحة الايات

زوَدك مِن أبو اليمّه وإشاده   -   ومِن عمّك گَمر هاشم سعاده

                           گمر وسط الدواوين   -   بَيك إتشَعْ بَراهَين

يَبوُ جَعفر يمفهَوم الشهاده

• ينفَحة طيب فوّاحَه إبوَطنّه

يحَامي إحدودَنه ومِنبر عِلمنَه

ينور الهادي والحجة أمَلنهَ

يَنظرة حالم إبلحظة حِلمنه

يضَيغم حوَمته وحامي حدوده   -   يَجُود ومعَرفه وأية عهَوُده

      بالعتره الميامَين   -   بَيك إتشَعْ بَراهَين

يَبوُ جَعفر يمفهَوم الشهاده

• يصَفحَة نور منَشُوره بقراطيس

طواسَين الذكر نَفحة أحاسيس

بَيك مشيّده با أجمل مقايس

مِبَعث شارتك بارَض النواويس

مِن حامي اللَوه ظهرت كرامات   -   مِن فضله إنَهلتْ هاي العلامات

    طفح صَبر الفراتين   -   بيك إتشع براهين

يَبُو جعفر يَمفُهوم الشهاده

• يَسرّ دار الأمامه وشيمه أحَرار

يالمحَشد أنصَاره السَاعة الثار

يَغُرّه متَوجّه مِن نور الأطهار

يَقصّه مَعْنونَه مِن وحيَ الكرار

         الگصَدكم فاز إبوسَام الولايه   -   غيَره ومعَرفه وشيَمه وهَدايه

وَصْلكُم قابْ قوسَين   -   بيك إتشع براهين

يَبُو جعفر يَمفُهوم الشهاده

• مِن جَدّك دليل الحاجَة تگْضيها

يسَبع إدَچيلها هالأمه حامَيها

عليك (إبجّده) هالنيران طفيها

وأشرار النواصَب گُوم صَفيها

يَبوُ الشدات شعب عراقي ينَخاك   -   جرَوحه إتكاثَرن وإتمنّه ملگاك

يضَي نور العَراقيين   -   بيك إتشع براهين

يَبُو جعفر يَمفُهوم الشهاده

• يَكّشاف الكُرب عَنْ وجَه أبيَّه

يَناذر عُمَره لحَروف الوَصّيه

ينَخوة بت علي حامي الحمَيّه

تذكّر كربَله وشَهگة رقيّه

هيم وطفيّ نار الفاطمية   -   يمَهدينه يضَي عين الزچيّه

يثار الحسن وحَسين   -   بيك إتشع براهين

يَبُو جعفر يَمفُهوم الشهاده