نبي الرحمه

يبويه إتيتمت عكبك يغالي           مصابك هدم حيلي وتاه بالي

عليك السبعه ناحت والمثاني         نجوم إتكورت لجلك وأمانـــــي

حزن محرابك ومدري إشد هاني       بكيت إبحيره بس ذكرك صفالي

يبويه شلون لو ناده المنـــادي        كـــــــــــبّر وأعلــن ليوم المعــادِ

ذكر طه وعلي خيـــــر العبـــــادِ       حيَ إعالصـــــلا دوه العوالــــي

يعنوان الذكر إسمك والايـــات       وفه وطيب وكرم تحله المناجات

الك ثقليــن حزنـت والسمـــاوات       إبنور وهل أته واضح سـؤالـــي

شلي إبعمري عكب عمرك يوالي        لواني الدهر ياعزي ودلالي

بعد بيمن اشد ازري ومنالـــــــــــي        إذاغاب الكمــر ياهو الضوالي

صفه دار الوحي موحش بلياك      ندب من بالعرش اسمك والاملاك

كسف قرص الشمس بالهم والافلاك      فجيــعه وحلـــت إبعــالم خيالـي

نهارى عليك أظل انحب وليلـي     والهج بيك كل لحظـــه وليلـــــي

صفه ذكرك وسط عيني وليلـــــــي     بكت زينب تواسينــــي ومثالــــي

يروحي اتمحنــت من ودعتنـــي     ومن شوفتـــك يابــه أيســتــنـــي

وديعــــــه إبيــد حيـــدر ســلمتنــي      والحسنـــين الى تجــوه ومنالـــي

جرحنه ينزف وما نشف للحيــن     يكطر بالألــم جالدمــع بالعيـــن

تبكه شيعتــــــك عالعهـــد ماضـــين     شبيه اسمك علينه إيكون والـــي

لبو إحسين اعتنت شيعته أبدمعه     تواسيه إبحزن ضاكت الوسعه

فكـــده زود الــــــــثقلـــــين لوعــه      نبي الرحمه علىّ حزنت ليالـــي