باب الحوائـــــــج

حِرَت يا بـــٰـاب أدَكَها وأنتَخلها   -  وسَيعه إبرحَمة الله وأنتَخلها

عليك أم البنيَن وعشرة إرباك  -  وصيَّة حيدره منشُوره إبلواك

العقيله إبدور ضحّت وانتَخلها

١- يَخوُيه إرباك إبكَليبي أحَسبَي

وجرَحك لسَّه ما يغْفَه أحسَبي

كاس الصَبر لمصَابَك أحَسبي

أهَل إبدَمعتي والكَلب ينخاك  -  وصَيّة حيدره منشُوره إبَلواك

العقيله إبدور ضَحّت وانتَخِلها

٢- حِجَر أم البنين إرتقَه بسَمـــٰـاك

شبل حيدر يَلوك الجود بسَماك

لواء الحمد رَف إبغيرة سِمَاك

أشيد ابهَمتك والنصَر يبَراك  -  وصَيّه حيدره مَنشوره إبَلواك

العقيله إبدوَر ضَحّت وأنتَخلها

٣- نَفحة رايتَك هَبت عَلينه

ينفس إحسَين وبَنوره عِلينه

نَظل للمُوت نلهج يا عَلينه

يعَسُوب الدَيانَه الحشد إبحَماك  - وصيَّة حيَدره منشوره إبلواك

العقيله إبدَور ضَحّت وانتَخَلها

٤- أفديَك أربَعه والعَين تَرباك

ينَوُر الله وحَروف اللوح تربَاك

تحَت كَبتك دعائي وشِفه تربَاك

أقَسم بالضلع والهام بسِمــٰـاك  -  وصَّية حيدرة منشوره إبلواك

العقيله إبدوَر ضَحّت وأنتَخلها

٥- لواني الدَهر بَيك وفَجع عَينــٰـاي

يَروح الزهره منتَ الجنت عِيناي

روحي إويــٰـاك إخذها انخاك عيناي

كَبل روحَك يريت إتصَير تجَواك  -  وصَيّة حيَدره منشوره إبَلواك

العقيله إبدور ضَحّت وأنتَخـلها

٦- كتابَ الله وسَطوره شار بَيكُم

طوى السَبعه إبجَلاله شار بيكم

خلق مِنْ نور عرَشه شار بيكم

كَبل تَكوين خلقه صـــٰـاغ مهَداك  -  وصَيّة حيدرَه  منَشَوُره إبلواك

العَقيله إبدور ضَحّت وانتَخلها

٧- ثار إحسَين يتنطّر ويَربـــٰـاك

إبصَدرك تشَب نيرانه ويربَاك

تلهج بت علي اليوُمك ويرباك

عَقَيل وعَيسى والعبــّـٰـاس يَمناك  -  وصيَّية حيَدره منشوره إبَلواك

العقيله إبدَور ضَحّت وانتَخلها