وداع العليله

صعب ليل الوداع وعليّ فركاكم ـ بوية الكربله أرد أمشي و ياكم

عــليلة ومـــن يبـارينــي  ـ ـ  بعدكم مـــن يواسينـــي

بوية الكربله أرد أمشي وياكم

محتار بأمري وعيلتي نار الغرب جاويهــــا

أدري صعب ممشى الضعن وليل الحزن ياذيها

لا جن حكم دهـــري عليّ أبعدنــــه من هاديهـــا

ودعت طيبة بدمعـــــتي و ام القــــرى و البيهــا

نار البـعد شبـت جوت دلالـي

حيرني ضعنـي و ألالـم  يبرالـي

لا و الـدي وجـدّي بكه  يصفالي

شكوانه لله إبحكمـته  إجاريـها

لن صوت العليله إبحركه ينخاكم ـ كل العمر يوالدي يفداكم

يبويه خابت ضنونــي ـ سفركــم مولح عيوني

بويــه الكربلــه أرد امشــي وياكــم

اصبرو أصابر خلتي وبهل الامر أوصيه

لأمر الله ترضه وحكمته وعالمحـــن أدريها

ليل الحزن منهــم كرب وبحركتــه جاويهــا

شمعه بأثر شمعـه انطفت والمشتكه الباريها

كمت أحسب سنيني وأعد الساعات

كل ساعه احسبها سنه إمن الاهات

نيرانهــم وسـط القلب واللوعـــات

لا نعــــطي للذ لّـــــه ولا نجاريهـــا

ملائكت السمه كل وكت ترعاكم  ـ  يبعد الروح كلي وين منواكم

لله افــدي بسنينــي  ـ   بس ســالم يظل ديني

بويــه الكربلــه أرد امشــي و ياكـــم

يابو الوفه إبحَك الوفه شوف إختك وحالتها

ابسكنه ورقيه إتمحنت ثنـــه الألـــم باخوتهـــا

للأكبــر وجاسم لفــت إبحسره تهـــِل دمعتهــا

بأمــر العليـــله إدوهنت من ودعــت خلتهــــا

شوف الرباب وليله خويه بيا حال

وحده بكتر وحده دمعهن همــال

فكدن الغالي ونحره صاب الدلال

صد العليل العمّــــــته وحركتهــا

عليل واسمع بيا حال نخواكم  ـ  بكيت إبلا اهل لا وين ممشاكم

وحيد ودمعتي بعيني ـ   مصاب حسين جاويني

بويــة الكربلــة أرد امشــي وياكــــم

ظلت وحيد إبكربله من غاب حامي لــواهـا

وحسين على الغبـــرة يون زاد الألم وأضناها

نــادت يخويــة ردلي نحــره إبحــزن ناداهــــا

بالضعن عكبي إتكفــلي وانى اعلم إبرجواهــا

تــدري إبغيابــــك أيســـت من دنيــاي

يا ضمد جرحي ونظر عيني ورجواي

يا سلوة سنـــين العمـــر من إصبـــاي

يا أمل روحــــي ومهجتـــــي بسماها

إنهدم ركن الهدى جبريل ناداكم  ـ  ملائكت السمه ناحت البلواكم

وحشه صُفت ديرتنه ـ  من غابوا أحبتنه

بويــة الكــــربله ارد امشي وياكـم

يا عمه ثكل إمصيـبتك لجبال جاهدتها

لا مر مثلها عالخـلك ولا مرت ابمحتهــا

حيرني امرج والأسر لو حاظر بساعتها

جا زلزلت حصن الكفر وعلوجها وقلعتهـا

نــــارج  يعمـــة تسعـــر إبلــــب  جلاي

ســــبي وضمــــه ذبـح وأسر ولا ماي

ريت المصاب إصوبج  صاب إحشـاي

إيهـــــل ابدمعـــته وينـــظر الحالتـــها

أريد الثار يوم الطلعة بلواكم  ـ  أعيد الطف وأصيرن ماي لرواكم

ابدليلي تشب جمراتي ـ تنوح بحزن آهاتي

بويـــة الكربلــه أرد أمشــي وياكـم