معلومات القصيدة
- القصيدة: وبهواك إحنَه نهِيم
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
وبهواك إحنَه نهِيم
خضبت هامي بتربتك يا حسين أدري بيها الشفه والحصن الحصين
رغم كل طاغي ولئيم وبهواك إحنه نهيم
بالولاية ونهج حيدر سائرين
لجلك الأفواج تسعه تلبي يا بو الثائرين
عالعهد جينه نجدد إبراية النصـــر المـبين
ما تهمنه كل عواصف لا نعيــــق الحاقدين
خلها تسعر نار أميه خلها تعوي الناصبيه
نبكه عشاك الزجيـه إنبــــايع ابحك ويقين
طرزت حبك ابصدر المؤمنين يا نصير الدين يابن الطاهرين
ريتنه اصحاب الرقيم وبهواك إحنه نهيم
بالولاية ونهج حيدر سائرين
خل يلوم البغض حيدر خل تشب نار الغرور
بيهم النيران تســـــعر وبظـــــلامات الـــــــدهور
تشهد ايام السقيــــــفه والسنــــــين الهم تـــــــدور
ياما ياما غربــــونه أبنارهم ياما جونه
كل فكرهم غيرونــه نبكه بركان ويثور
سطعش مليون زاير كاصدين الكربله اتواسي امير المؤمنين
يا صراط المستقيم وبهواك إحنه نهيم
بالولاية ونهج حيدر سائرين
أتصّفح التاريخ وافهم يالــــموالي الجعفرية
وأنظر الصرح ابو اليمه بالفــــخر فوك الثرية
ومر على دار النواصب مزبـــــلة بيها ال اميه
الشيعة عنــــوان الوفه بالأمــــامه عارفه
ثوره فداء ومـــــعرفه أطالب ابثار الزجيه
لجلك انضحي يبو اليمه البنين والعمر والروح لجلك واهبين
الشهاده النه نديم وبهواك إحنه نهيم
بالولاية ونهج حيدر سائرين
عاود إيزيد الخيانه وحفنه مـــن ارجاس خيبر
وبفكر ماســوني اصله وبوطنـــــه ضباعه تظهر
تريد تمــــحي فكر اهلنه شحدها هالأرجاس تكدر
أحنه من حيدر عزمنه ومن أبو الأكبر صبرنه
والوفه وسام أبصدرنه من ابو فاضل تصّدر
رمز للخوه وملاذ الصابرين يا كفيل الحره وبعهده امين
وارث الموسى الكليم وبهواك إحنه نهيم
بالـــــولاية ونــــهج حــــيدر ســـائـرين
يالـــواء إنا فتـــحنا يا غيـــاث الحائرين
يا أمل أمـــــة محــــمد والـــهداة الناصرين
يا حلم بضـــــــعة الهـــادي والعقيلة والبنين
كل محاجرنه تناطر وبصدى هل من مناصر
دوّه صوته أعالمنابر لـــــــــك لبـوّا العاشقين
عمه لجلج افدي روحي والوتين وبيج أواسي جدي يوم الأربعين
أي وحك اسم الرحيم وبهواك إحنه نهيم
بالـــــولاية ونــــهج حــــيدر ســـائـرين
