هايوليدي   ـــ   هايوليدي    ـــ    هايوليدي

ليش إتعذب صدر الضمكَ  ــ   هايوليدي

تدريني إبفكدك مذعوره ـ أسهر ولجيتك ناطوره

هايوليدي  ــ  هايوليدي

ييمه لو غبت منهو اليسلــــيني

وألولي المن وأهز مهده ويناغيني

محـييت إبغيبتك يبني ربـه سنيـني

وحيده ولا عذب صوتك ينادينـــي

شلي إبعمري  ـ  ها جف صدري  ـ  أوجر دهري

علـــيّه ومــن يبــارينـــــي

من عيني ما يفارك رسمك ـ ها يوليدي ـ ها يوليدي

إسهرت لجلك ليالي والعمر يشهــد

وألـــوليـــلك وأذخـرك للــكبر مسنــد

وأضم روحي وي روحك يبني أتوسد

وأشـــم جيـــدك وأكـولن هالعمر ورّد

خذها الروح   ـ   مني وروح   ـ   زيد إجروح

وكلـــيبي إبحــركه يتــــنهد

دلالــــي يسعر من همّك ـ ها يوليدي ـ ها يوليدي

شــــنو ذنبــك يغالي بيك فجعوني

ومن عزي ودلالي وشوكي حرموني

ألــــم شدة مصابـــــك مولح عيونــي

وحيــــده إبـــلا أنيس أوالـي خلوّنــي

عساني وياك   ـ  إرد  نخواك   ـ  إبروحي أفداك

ولاعــــنك يـــبعــــدونــــــي

يريت إبعيني حل سهمك  ـ ها يوليدي ـ ها يوليدي

حزن دار الأمامه وافجع العتره

لن محسن سكط وإنعـــادت الطبره

ناحت والدمـــع بعــيونها الحـــــره

يبويه الحك عليــنه إبشهكه الزهره

حرم بالطف صفينه ـ بلا والي بكينه  ـ بس حسرة علينه

وأنــــه المحتـــاره بأمــــره

هودج نور النوّخ يمّك ـ  ها يوليدي ـ ها يوليدي

وحش بيت الوحي من غابت أحلامه

يــــــــرتل بالحـــــمد ويهّيـــــــــد آلامـه

آيات الصــــبر صـــورها بأعــــــــلامــه

يصابــر بالدمـــع ويجــارى أحكـــــــامه

بس أنوار تشع ابداره ـ تتهاده ابعالم أسراره ـ مذهوله  الحره ومحتاره

ويدّوي الحك صوت إسلامه

طلسم آيات الله بأسمك ـ  ها يوليدي ـ ها يوليدي

يعـــمه الطلـــعتك هالأٌمه تترجه

إبــين الواك تفــدي أرواح و المهجه

إبـحك اللوح والهادي وعلي المنجه

تــثأر للــــسبط ورضيـــعه يا لحجه

منشوره الرايات ـ وتنادي الثارات ـ معروفه الغايات

كل صوله محسوبه بحجه

صوت الحرّه الشّيم همتك ـ ها يوليدي ـ ها يوليدي