نشفت دمعتي وجَفن ثداياي        ييمَه عكب عمرك شلي إبدنياي

حرت بيش أكضي ليلي        غيابك هدم حيلي

نشفت دمعتي وجَفن ثداياي

خويه بالخوَه أرد أنشدج شمــــاله عبدالله ويمَه

إمن الضمة يصرخ وليدك لا حليــب ولا أنت يمَه

حايره النيبه بأمرها إتصابر أجـــــــم دوب يـــمه

يصد المن أبو اليــمه يلمـبي

حار وحير الواصف يلـــمبي

وذر واحتار من يكصد يلمبي

صفت آياتهم تلــــهج ييـــــمه

عنَك لو ينشُدوني علي ويـن      شجاوب يولدي والدمع بالعين

ياخلّي وخليلي     غيابك هدم حيلي

نشفت دمعتي وجَفن ثداياي

ويلي من لاح المثلث سلّم إعالنحر وضــمه

جرَح نياط ابو اليمه وكلب أمـَه إنصاب وضمه

كطّـــع كماطه إبجـــفوفه الجــيد أبيه بالم ضمّه

سهم الغـــدر مــنيّ أبعدك ورداك

إبدال المـــاي صار ادماك ورداك

شلي أبعمري بعد  لو ذبـل ورداك

بعـــد منــهو الينـاغيلي وضــــمه

جنت أتمنه تكضي العُمر وياي         إسهرت لجلك الولي يمّه ليلاي

على مصابك يويلي          غيابك هدم حيلي

نشفت دمعتي وجَفن ثداياي

شلون أكضّي الليل بعدك يا ضُمد عيني ودليلي

يا مــا اهز مهـــدك والولي يا أمل روحي ودليلي

شلي إبدنيـــاي إبغيــابك ويـــا مهد يــــسمع دليلي

جنت شمعه ابوســط عيني يلالي

يناغيـــــلي أمــن الولـــيله يلالي

حنيــــنك والربه ابـــكلبي يلالي

سهر ليلي ومهد خالي ودليلي

يروحي وبلسم إجروحي وهاماي       تناغي وتطفي الامي وهاماي

ينجمه إبسمه ليلي       غيابك هدم حيلي

نشفت دمعتي وجّفن ثداياي

هذا حال الدنيه يختي والقدر فرقنه حـــكمه

والأسر ثنه وبعدنه بالصبر جــــاري وحـــكمه

ها يثورة علي وسره ابصرختج ينــــعاد حكمه

هبط جبريل لأرض الطـف وحيلج

يصرخه حك عالظـــالم وحــــــيلج

صفت كربلـــه ودلالـــي وحيــــلج

جـــي بيهـــا الأمـــل يظهر وحكمه

صرخه وبالسمه دوّت حسينا       ثوره ومن على شعّت يقينا

صفالي بس عليلي    غيابك هدم حيلي

نشفت دمعتي وجَفن ثداياي

إتمحنت وأحتار فكرى بالوصي وبحال ظــعنه

من مشينه الدار غربه أبحزن والآهات ظــــــــعنه

ريت حامي الخدر حاضر جا بـــــكه هذا وظــعنه

صُفت وحشه ديار أهلي وظلماي

كمرنه إعالنهر ينُظر وظــــلماي

جف بحر الدمع ما بي وظــلماي

غدر بحسين من حقده وظــــعنه

الك أنصار للثارات ترباك        يبو صالح إبدمع العين تنخاك

أملنه ويامعيلي       غيابك هدم حيلي

نشفت دمعتي وجَفن ثداياي