مثل يومك أبد ماصار

وفيت لله عهدك إبكل يقين   ـ    اولادك وعباس نعمه المعين

بالغربه تمسي عيلتك    ـ      مفجوعه  بالطف شيعتك

للأسر هالعيله مشت والدمع بالعين ـ والدمع بالعين

جبتني الكربله وياك أعد جروح إبطفوفــك

وصية أمك الزهراء وعَلِيــنَه وصّــه منعوفـــك

تودعين إخوتج بالطــف شلون إتريد منشوفــك

كفيلي إعالشريعه صوبوا عينــه

مكطوع الجفوف ويلهـــج بدينــه

صواب الهام أظن كربها السنينه

عساهن بالكلب ولاكطعت جفوفك

خل تشــهد الايام ويّ السنيــن   ـ   ضحيــنه لله أنوار ويّ البنــين

لدينك وفــيت بعهــدك   ـ   ابحســين يعله مجــدك

للأســـر هالعلــيه مشت والدمع بالعــين ـ والدمـع بالعـــين

قصص وضحها بالقران عبر لهل العلم مجّد

شـــما رادوا يغـــيروها فكرهـــم دوم يتـــجـــدد

المحـــنكــم دون التاريــخ إبــكل لســان يــــتـرد

الباري سجل الأفكار ـ   جعلكــم للأرض أنــوار

من نـوره غرز أسـرار  ـ   واســم حســين يتـــخلد

أحــرار نبــكه وعالعــهد سائريـن ـ بلــواء قائــمــنه أبو الــثأئـريــن

ما كــدروا يغــيرونــه  ـ   سنــين إبحــقد منعوفـــه

للأســـر هالعـــيله مشـــت والدمـــع بالعــــــين ـ والدمــــــع بالعـــــــــين

شما فعــلوا بنــي سفيــان كبلهــم فعــلوا الأزيـد

يحـــيى قدمــوا راســـه هديـــه الطــاغي بي انشــد

وعيـــسى رادوا إيــحركــوه للأمــه صبـــح مشهــد

فعلوهـا بغـدر وبثـــار   ـ   بنــي أميــه وطغـات إشرار

طــر اللحــد يالكـــرار   ـ    وشبـلك بالارض مسنـد

عاهدنه لله بالوفه واليمين ـ    بولايه الكرار متمسكين

للدين وفه بمهجته    ـ  بالعرش تزهي رايته

للأســر هالعيــله مشــت والدمــع بالعيـــــن ـ والدمــع بالعـــــــــين

تصّبرني وأريد أسئل مثل أيوب لو أكثر

النبينه عادله وليده وحتى النظر بي أبصــر

كلي إصار إبكــليــــبك من ودعـــته للأكـــبر

كصد له وصاح يا لأكبر   ـ   وناره بالكلب تسعر

توسد يمه واتكوطر   ـ   شجاوب جدك وحيدر

نادت الحره خويه بسك ونين  ـ   من غيرك يباريني يابن الأمين

إنت التحامينه  ـ   بس حرم ظلينه

للأســـر هالعيلـــه والدمــع بالعـــين ـ والدمـــع بالعــــــين

أبد ما صار مثل حسين ولا مرّ إبمصابه أحد

أذكر علي لو عــباس  لو ســبط  النــبي  أحمـــد

لو شبل  الحسن  جسام  ورضيعه ما صبح  أرشد

مثل يومك أبد ما صار   ـ   ولا مرّ عالخلك لا دار

دماهم تجري جالانهار   ـ   يربي اليومهم إشهد

نصراً من الله وفتح مبين   ـ   جنات عدن وبها خالدين

آيات بيهم جسد   ـ   نص بكتابه أوجد

للأســر هالعـــيله مشت والدمـــع بالعـــــين ـ والدمــع بالعـــين