"  بأم الخمسَه يا أم الصَبر ناديني  "

شَنُهو الروُح لجَل الدِّين والعين  - ميـــٰـامين أربعَه أفدي للحَسين

عهد للطالبيَه  -  أوفي للزجَيه

ميـــٰـامَين أربعَه أفدي للحَسين

١- يَنُور الله وجَلالة وُكل بَراهَينه

ينفَحه إمِنْ الزجَيه وسر عَوالينه

يسَرْ سَبع المثاني البيهـــٰـا تهدينه

يقرآن الفجَر عَمّر قوافينَه

مِن جوُدك ترويَنه الفَراتين  -  منَشُور اللّوه فُوكَ العراقين

مفاخر حيدرَيه  -  أوفي للزجيَه

ميامين أربعة أفدي للحسَين

٢- سُبحـــٰـان الذي صوّر الكونين

بَده بالخمسَه وأنواره الميامين

إبسر إسمائهم واصل التكوين

نشرها إعالخليفه وبسمَل الدِّين

هَبط روُح القُدس رَتل الآيات  -  نطق إقرأ وسَوّر بالمناجات

طلاسَم جوهريَه  -  أوفي للزجَيه

ميـــٰـامَين أربعَة أفدي للحسَين

٣- دين الله إرتقه إبمشَكـــٰـاة الأنوار

مَصبــٰـاح النبوّه شَع بالأقمـــٰـار

لَمعْ نُور الأمامه إبرَوح الأطهار

مِن يَثرب تَجلّه الكربَله أنهـــٰـار

كَصد ركَب الأمامه إبعَصمة إحسَين  -  وغَيرة كُمر هـــٰـاشمَ والميـــٰـاميَن

مناحر أزهرَيه  -  أوفي للزجيَه

ميــٰـامين أربعَه أفدي للحسَين

٤- عَلت راية مُحّمد^(ص) والطفوف شَهُود

ترفرف عالثنايه وما تحدهــٰـا حدود

حارسها الوصي والهيَبه راعي الجود

طلاسَمها الشهاده والنصر مَنشود

نذر عُمره العضَيده وعينَه والجفين  - بالعصَمه تجلّه وَعبّد النَجدّين

منابع كوثريه  -  أوفي للزجَيه

ميامين أربعَة أفدي للحسين

٥- ذخَرتك للوُفه يَوليَدي وأترجاك

تحَمي عيـــٰـال أخيّك والدك وصّاك

منَت العاهدت زينب يوم إربـــٰـاك

تفدي الروح ليها وترخص إبيمناك

كلبها للشريعه وزلزل الكونين  -  زم جاري الفرات وأرعُب الصَوبين

بنجُوم الثريَه  -  أوفي للزجيه

ميامين أربعَه أفدي للحسين

٦- ما آنَه إمّك يرَوحي ومُهجة سنيني

إخذ روحي ويروحَك تفدي لحسَيني

يخت عباس كومي إبدَمعه واسيني

بأام الخمسه يا أم الصَبر ناديني

مُو بَس جَرح صَابَ  الكَلب جَرحين  -  على إعمَيد الهواشُم صار نُصّين

إبدَمه عيني الجرّيه  -  أوفي للزجيَه

مياميَن أربعة أفدي للحسين