معلومات القصيدة
- القصيدة: كطعت كل شريان من الكلب يبني ـ نحرك المذبوح شفت وثكل ونَي
- الشاعـــر: الحاج موسى المعمار الكربلائي
- الديــوان: نسمات كربلائية
- التاريــــخ:
كطعت كل شريان من الكلب يبني ـ نحرك المذبوح شفته وثكل ونّي
ليتَ سهمَ النحرِ للقلبِ أصابا ـ وأوارى لا أرى هذا المصابا
نحرك المذبوح شفته وثكل ونّي
جنت ازامط بيك يبني إيبن أهلي وخلتي
إمنين إجه سهم المنيه ريتـــه كطّع جبـــدتي
لون أدري الماي كصده جا ســـكيته دمعتـي
شلون دهـــري علىّ قاسي طفه مني شمعتي
هد حيلي جرحك وأنــــــــفطر دلالــي
يوليدي اناغي المن بعد ينــــــــغالـــي
المن الوالي يبني مهــــــــــدك خالــي
بس الصدى من من صوتك اليصفالي
مالي حيل الغيبتك يا أمل روحي ـ جنت سلوه يولدي وبلسم جروحي
أدمى قلـــبُ المرتضى سهمُ الرزايا ـ مذ تصــــــــــدت للموالين المنايا
نحرك المذبوح شفته وثكل ونّي
عسه ما شفتك ييمه وكبل شوفك كظه حتمـــي
وريت سهم الحز وريدك حز وريدي وكرب يمي
إشلون أنام الــــليل يبني المهد خالـــي زاد همـــي
جنت أنا غيـــــلك والولي يـــبني وينك صار نغمي
شلون الجفن يغمض ييّمه وأنساك
ياما ليــالي إسهرت لجلك ورباك
ريت العمه و لاشوف خالى مهداك
دّر الحلــــيب النوح أصبح سهمي
هذا حك رباي يبني اكطعت بيه ـ ما دريت إتروح مني بها المسيّه
أفجع الزهراء نحراً علوياً ـ وبكته الحور حزناً سرمديا
نحرك المذبوح شفته وثكل ونّي
لاتظن أنســــــاك يبنــي مهـدك إبعيـــــني إيتطلع
وبضماك إفجعت كلبي وعالـــفواطـــم صـار أفجـــع
حرمني دهري من وصالك ريـت لا أشوفن ولا آسمع
لعد ام الحســــن نهـــدك إرتــوي ومن دره إرضــع
من عذب جدك إرتوي و الكوثر
لاتضمه بعده لـــــلابد يمنــــور
للهادي أخبره مصيبتك والمنحر
وعن والدك وأبنه العليل ملوّع
زاد همي ودنيتي ظلمه بلياك ـ يتمت صدر الحنان إبيوم فركاك
أفجع الطفل حسينا والبرايا ـ وأفاق الليل من هول الرزايا
نحرك المذبوح شفته وثكل ونّي
عيونك تبارى الفواطم ولمصابك تاه فكــري
حايره واشبج إبديه من غبت وأشبكه إبصـدري
جم سهم صوب دليلي سهم نحرك أشــــد أدري
ريت أتوسّد إبكبرك وأفـدي بســـم الله عمـــري
كلـــــما يمر ذكرك علي وبلواك
إتغيب روحي وتلتهب نار رباك
عبـــدالله يبنــي إخذ روحي وياك
لزهره اشكي حالتي وبخــــدري
يبني منك أيست سلمت امري ـ لله أشكي مصيبتي من جور دهري
حينها تسقيك عذباً ورحيقا ـ ومقاماً لك في الخلد يُليقا
نحرك المذبوح شفته وثكل ونّي
إتحيرت إبحسين بعدك راسه فوك السمهريه
يلتفت مره عالظعنه ويـــنظر السكـــنه ورقيـــه
وعالبكه فوك الشريعه إبـــلا جفـــوف ولاحميه
تناثرت آياته بالطــــف من يلمها بهــل المسيــه
يشوف العقيله حايره إبشبل حسيــن
تصفج إبديه وتهمـــــل إبدمــع العين
غاب الكفيل وحامي ظعنه بهل الحين
بس حرم و اطفــال بأحـــــزان وأسيه
فراك أبوك وخلته يبني ضهدني ـ والليالي إبجور بيكم صوبتني
فاتخذ ما شئت منا لرضاك ـ فالقرابين إستجابت لنداك
نحرك المذبوح شفته وثكل ونّي
